ބުދަ، 18 ނޮވެމްބަރު 2026
ޚަބަރު

ހުޅުމާލެ ފޭސް 2 ގައި އަލަށް ޢިމާރާތްކުރި މަސްޖިދުލްއީމާން ހުޅުވައިފި

މި މިސްކިތަކީ އެއްފަހަރާ 1200 މީހުންނަށް ނަމާދު ކުރެވޭ ތިން ފަންގިފިލާގެ ފުރިހަމަ މިސްކިތެއް. ---
މި މިސްކިތަކީ އެއްފަހަރާ 1200 މީހުންނަށް ނަމާދު ކުރެވޭ ތިން ފަންގިފިލާގެ ފުރިހަމަ މިސްކިތެއް. ---

ހުޅުމާލެ ފޭސް 2 ގައި އަލަށް ޢިމާރާތްކުރެވުނު "މަސްޖިދުލްއީމާން" މިއަދު ހުކުރު ނަމާދަށް ފަހު ރަސްމީކޮށް ހުޅުވައިފި އެވެ. މިސްކިތުގައި ކުރެވުނު ފުރަތަމަ ހުކުރު ނަމާދު އިމާމުވެ ކުރެއްވީ ޒުވާން ޚަޠީބު އަލްޙާފިޒު ޢުވައިސް ބިން އިނާޒު އެވެ. މި މިސްކިތް ހުޅުވުމަކީ ފޭސް ދޭއްގައި މިސްކިތްތަކުގެ ދަތިކަން ފިލުވުމަށް އެޅުނު މުހިންމު ފިޔަވަޅެކެވެ.

މަސްޖިދުލްއީމާން ހުޅުވުމުގެ ރަސްމިއްޔާތު ބާއްވާފައިވަނީ މިއަދު ހުކުރު ނަމާދަށް ފަހުގަ އެވެ. އެގޮތުން މިސްކިތުގައި ކުރެވުނު ފުރަތަމަ ޖަމާޢަތުގެ ހުކުރު ނަމާދުގައި ގިނަ އަދަދެއްގެ މީހުން ބައިވެރިވެފައި ވެއެވެ. މިސްކިތް ހުޅުއްވުމަށްފަހު ފުރަތަމަ ހުކުރު ނަމާދު އިމާމުވެ ކުރެއްވީ ޒުވާން ޢިލްމުވެރިޔާ އަލްޙާފިޒު ޢުވައިސް ބިން އިނާޒު އެވެ.

މިއީ ހެޔޮ އެދޭ ފަރާތަކުން އިމާރާތްކޮށްފައިވާ މިސްކިތެކެވެ. މި މިސްކިތުގެ ޑިޒައިނާއި އެތެރޭގެ ޑިޒައިން ވެސް ވަރަށް ފުރިހަމަ އަދި ޒަމާނީ ކަމަށް ފާހަގަކުރެވެ އެވެ. ތިން ފަންގިފިލާގެ މައްޗަށް އެކުލެވޭ މި މިސްކިތަކީ އެއް ފަހަރާ 1200 މީހުންނަށް ނަމާދު ކުރެވޭނެ ފުޅާ މިސްކިތެކެވެ.

ހުޅުމާލޭގެ ފޭސް ދޭއްގައި މީހުން އާބާދުވެ ދިރިއުޅެން ފެށިތާ އަހަރުތަކެއްވީ ނަމަވެސް މިސްކިތްތަކާއި ސުކޫލުތައް އެކަށީގެންވާ މިންވަރަށް ނެތުމުގެ މައްސަލަ ވަނީ ބޮޑުވެފަ އެވެ. މިކަމުގެ ސަބަބުން މި ސަރަހައްދުގައި ދިރިއުޅޭ ރައްޔިތުންނަށް ދިމާވާ ދަތިތަކަށް ޙައްލެއް ހޯދުމަށް މިފަދަ މަޝްރޫޢުތައް ހިންގުން މުހިންމު ކަމަށް ސަރުކާރުން ވަނީ ފާހަގަކުރައްވާފަ އެވެ.

ސަރުކާރުން ދަނީ ފޭސް ދޭއްގައި މިސްކިތްތަކާއި ސުކޫލުތައް އިމާރާތް ކުރުމަށް ބޮޑު އިސްކަމެއް ދެއްވަމުންނެވެ. އަދި ފަށާފައިވާ މިފަދަ މަޝްރޫޢުތައް އަވަހަށް ނިންމައި ރައްޔިތުންނަށް ހިދުމަތް ދިނުމަށް ޚާއްސަ އިސްކަމެއް ދެއްވައިގެން މަސައްކަތް ކުރައްވަމުންނެވެ. މަސްޖިދުލްއީމާން ހުޅުވުމަކީ މި ދަޢުވާގެ ތެރެއިން ފެނުނު ހެކި އެކެވެ.