ހޯކްސް އިން ވިއްކާ ޕެޓްރޯލާއި ޑީސަލްގެ އަގު ބޮޑުކޮށްފި
ދަ ހޯކްސް ޕްރައިވެޓް ލިމިޓެޑުން ވިއްކާ ޕެޓްރޯލާއި ޑީސަލްގެ އަގުތަކަށް ބަދަލު ގެނެސް، ތެލުގެ އަގު ބޮޑުކޮށްފިއެވެ. އެ ކުންފުނިން ނެރުނު ސާކިއުލާއެއްގައި ބުނެފައިވަނީ މި ބަދަލަށް މިއަދުން ފެށިގެން އަމަލުކުރަން ފަށާނެ ކަމަށެވެ.
އަގަށް ގެނައި ބަދަލާއެކު، ޑީސަލް ލިޓަރަކުން 3.62 ރުފިޔާ ވަނީ ބޮޑުކޮށްފައެވެ. އަދި ޕެޓްރޯލް ލިޓަރަކުން 2.51 ރުފިޔާ ބޮޑުކޮށްފައިވާ ކަމަށް އެ ކުންފުނިން މައުލޫމާތު ދެއެވެ. މި ބަދަލަކީ ހޯކްސްގެ ހުރިހާ ކަސްޓަމަރުންނަށް އަމަލުކުރެވޭނެ އާ ރޭޓުތަކެކެވެ.
ހޯކްސްގެ ޖެނެރަލް މެނޭޖަރު ހުސައިން އަމާން ސޮއިކުރައްވައި ނެރުއްވި މި ސާކިއުލާގައި ބުނެފައިވަނީ، މިއަދުން ފެށިގެން ކުންފުނިން ތެޔޮ ވިއްކާނީ މިހާރު ކަނޑައަޅާފައިވާ އާ އަގުތަކުގައި ކަމަށެވެ. މިއީ ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުތަކާ ގުޅިގެން ގެނައި ބަދަލެއް ކަމަށް ބެލެވެއެވެ.
Ads by BMLމި ބަދަލާ ގުޅޭގޮތުން އިތުރު މައުލޫމާތު ސާފުކުރަން ބޭނުންވާ ފަރާތްތަކުން އެ ކުންފުނީގެ ނަންބަރު 7775123 ނުވަތަ 7774828 އަށް ގުޅުއްވުމަށް ހޯކްސް އިން ވަނީ އެދިފައެވެ.
ހޯކްސް އަކީ ރާއްޖޭގައި ފުޅާދާއިރާއެއްގައި ތެލުގެ ވިޔަފާރިކުރާ އަމިއްލަ އެންމެ ބޮޑު އެއް ކުންފުންޏެވެ.
Ads by MACL
