ބުދަ، 18 ނޮވެމްބަރު 2026
ޚަބަރު

ސަރުކާރާއި ދެކޮޅު ކައުންސިލެއް އޮވެގެން ތަރައްގީގެ މަޝްރޫޢުތައް ކުރިއަށް ގެންދަން ވަރަށް އުނދަގޫވޭ: ނަޒީމް

ގެމަނަފުށި ޖަލްސާގައި ނަޒީމް ވާހަކަފުޅު ދައްކަވަނީ: ފޮޓޯ/ ޝާއިގް- ޖީލު އޮންލައިން
ގެމަނަފުށި ޖަލްސާގައި ނަޒީމް ވާހަކަފުޅު ދައްކަވަނީ: ފޮޓޯ/ ޝާއިގް- ޖީލު އޮންލައިން

ސަރުކާރާއި ދެކޮޅު ކައުންސިލެއް އޮވެގެން ތަރައްގީގެ މަޝްރޫޢުތައް ކުރިއަށް ގެންދަން ވަރަށް އުނދަގޫ ކަމަަސް އާރްޑީސީގެ މެނޭޖިން ޑިރެކްޓަރ އިބްރާހިމް ނަޒީމް ވިދާޅުވެއްޖެއެވެ.

ނަޒީމް މިހެން ވިދާޅުވީ ގެމަނަފުށީ ކައުންސިލް ކެމްޕެއިން ރަސްމީކޮށް ފެށުމުގެ ޖަލްސާގައި ވާހަކަފުޅު ދައްކަވަމުންނެވެ.

ނަޒީމް ވިދާޅުވީ އެކުންފުނިން ކުރިއަށް ގެންދާ މަޝްރޫއުތަކަށް އެމްޑީޕީގެ ކައުންސިލް ތަކުން ވަރަށް އުނދަގޫ ޖައްސާކަމުގައެވެ.

މިސާލެއްގެ ގޮތުން ނަޒީމް ވިދާޅުވީ ރަށެއްގެ މިސްކިތެއް އެޅުމަށް ބަޖެޓް ހަމަޖެހި ސަރުކާރުން އެކުންފުންޏާއި ހަވާލު ކުރި ކަމަށާއި އެހެން ނަމަވެސް އެރަށުގެ ކައުންސިލިން ބިން ހަމަޖައްސައި ނުދީގެން މަސައްކަތް ނުފެށިވާކަމަށެވެ.

އެހެންކަމުން ސަރުކާރަށް ތާއީދު ކުރާ ކެންޑިޑޭޓުން ހޮވައި ދިނުމަށް އެދޭ ކަމަށެވެ.

އާރްޑީސީން ދަނީ ރާއްޖޭގެ އެކިއެކި ރަށްރަށުގައި މަގުހެދުމާއި ތަރައްގީގެ އެކިއެކި މަޝްރޫއުތައް ހިންގަމުންނެވެ.