ހައިވޭގައި ނުރައްކާތެރި އެކްސިޑެންޓެއް؛ 2 މީހަކަށް ހޮސްޕިޓަލުގައި ފަރުވާ ދެނީ!
ސިނަމާލެ ބްރިޖު ހައިވޭގައި ކާރަކާއި ދެ ސައިކަލު ޖެހި .ނުރައްކާތެރި އެކްސިޑެންޓެއް ހިނގައި، ބަޔަކަށް އަނިޔާވެއްޖެއެވެ.
ފުލުހުން ވިދާޅުވީ ހައިވޭގެ މާލެއިން ހުޅުމާލެއަށް ދަތުރުކުރާ ފަޅީގައި މި އެކްސިޑެންޓު ހިނގީ ހަތަރު އުޅަނދެއް ޖެހިގެންކަމަށާއި އޭގެ ތެރޭގައި ހިމެނެނީ ދެ ކާރާއި ދެ ސައިކަލުކަމަށެވެ. މި އެކްސީޑެންޓް ރިޕޯޓު ކުރީ ރޭގެ ދަންވަރު 12:00 ގައި ކަމަށް ފުލުހުން ވިދާޅުވެ އެވެ.
އަދި މި އެކްސިޑެންޓުގައި އަނިޔާވި ދެ މީހަކަށް މިހާރު ދަނީ އައިޖީއެމް ހޮސްޕިޓަލުގައި ފަރުވާދެމުންކަމަށް ފުލުހުން ވިދާޅުވެއެވެ. ނަމަވެސް އެ މީހުންނަށް ލިބުނު އަނިޔާގެ ތަފްސީލެއް މިހާތަނަށް ފުލުހުން ހާމަކޮށްފައެއް ނުވެއެވެ.
Ads by BMLފުލުހުން ވިދާޅުވީ މި މައްސަލަ އިތުރަށް ތަހުގީގު ކުރަމުންދާކަމަށެވެ.
Ads by MACL
