އީރާނުން އިޒްރޭލުގެ ހަކަތަ އުފައްދާ މަރުކަޒުތަކަށް ހަމަލާދީ ގޮއްވާލައިފި، މުޅި ޓެލް އަވީވް ކަނުއަނދިރީގަ
އީރާނުގެ އަސްކަރިއްޔާއިން އިޒްރޭލުގެ މުހިންމު ހަކަތަ އުފައްދާ މަރުކަޒުތަކަށާއި ތެޔޮ ސާފުކުރާ ކާރުޚާނާތަކަށް އަމާޒުކޮށް ވަރުގަދަ ހަމަލާތަކެއް ދީ އެތަންތަން ގޮއްވާލައިފި އެވެ.
މި ހަމަލާތަކާ ގުޅިގެން އިޒްރޭލުގެ އިގްތިސާދީ މަރުކަޒު ކަމަށްވާ ތެލް އަވީވްއިން ކަރަންޓުގެ ޚިދުމަތް މެދުކެނޑި، މުޅި ސިޓީ އަނދިރިކަމުގެ ތެރެއަށް ގޮސްފައިވާ ކަމަށް ރިޕޯޓްތައް ބުނެއެވެ.
ލިބެމުންދާ ޚަބަރުތަކަށް ބަލާއިރު، އީރާނުގެ އަސްކަރިއްޔާއިން ވަނީ އިޒްރޭލުގެ ޕަވަރ ޕްލާންޓްތަކަށާއި، ހަކަތަ ރައްކާކުރާ ވަސީލަތްތަކުގެ އިތުރުން ރިފައިނަރީތަކަށް އަމާޒުކޮށް ސީދާ ހަމަލާތަކެއް ފޮނުވާލާފައެވެ. މިއީ ފަހުގެ ތާރީޚެއްގައި އިސްރާއީލުގެ އިންފްރާސްޓްރަކްޗަރއަށް ދެވުނު އެންމެ ވަރުގަދަ އެއް ހަމަލާ ކަމަށް ފާހަގަކުރެވެއެވެ.
Ads by BMLއީރާނުގެ އަސްކަރިއްޔާއިން އިޒްރޭލުގެ ހަކަތަ އުފައްދާ މަރުކަޒުތަކަށާއި ރިފައިނަރީތަކަށް ހަމަލާދީ، މުޅި ތެލް އަވީވްއިން ކަރަންޓު ކަނޑާލައިފި ކަމަށް މި ހާދިސާއާ ގުޅޭ އެންމެ ފަހުގެ ރިޕޯޓްތަކުގައި ބަޔާންކޮށްފައިވެއެވެ.
މި ހަމަލާތަކުގެ ސަބަބުން ތެލް އަވީވްގެ ބޮޑު ސަރަހައްދަކުން ކަރަންޓު ކެނޑިފައިވާއިރު، މިއީ އިޒްރޭލުގެ ދިފާއީ ނިޒާމަށް ކުރިމަތިވި ބޮޑު ގޮންޖެހުމެއްގެ ގޮތުގައި މަސްރަހު ދިރާސާކުރާ ފަރާތްތަކުން ސިފަކުރެއެވެ. ހަމަލާތަކާ ގުޅިގެން ލިބުނު ގެއްލުންތަކުގެ ތަފްސީލު އަދި މުޅިން ސާފެއް ނުވެއެވެ.
މި ހާދިސާއާ ގުޅިގެން މެދުއިރުމަތީގެ މަސްރަހު އިތުރަށް ނުތަނަވަސްވެފައިވާއިރު، އިޒްރޭލުން މި ހަމަލާއަށް ރައްދު ދޭނެ ގޮތަކާ މެދު މިހާރު ދަނީ މަޝްވަރާ ކުރެވެމުންނެވެ. އީރާނުގެ މި ފިޔަވަޅަކީ ސަރަހައްދީ ހަނގުރާމައެއްގެ ބިރު ބޮޑުވެގެންދާނެ ކަމެއް ކަމަށް ބެލެވެއެވެ.
Ads by MACL
