އީރާނުގެ ގުދުސް ސިޓީ ބިމު އަޑީގައި ހުރި އަސްކަރީ މަރުކަޒުތަކަކަށް އެމެރިކާއިން ހަމަލާދީފި
އީރާނުގެ މެދުތެރޭގައި އޮންނަ ގުދުސް ސިޓީގައި ހުރި ބިމުގެ އަޑީގެ މަރުކަޒުތަކަކަށް އެމެރިކާގެ ވައިގެ ސިފައިން ވަރުގަދަ ހަމަލާތަކެއް ދީފައިވާ ކަމަށް އެ ގައުމުގެ ނޫސްތަކުން ރިޕޯޓްކޮށްފިއެވެ. މި ހަމަލާތަކަކީ ބިމުގެ އަޑީގައި ހުރި އަސްކަރީ ވަސީލަތްތަކަށް އަމާޒުކޮށް ދީފައިވާ ހަމަލާތަކެއް ކަމަށް މައުލޫމާތު ލިބެއެވެ.
ރިޕޯޓްތައް ބުނާ ގޮތުގައި މި ހަމަލާ ދިނުމަށް އެމެރިކާގެ ވައިގެ ސިފައިން ބޭނުންކޮށްފައިވަނީ "GBU-43/B" ނުވަތަ އާންމު ނަމުން ނަމަ "މަދަރ އޮފް އޯލް ބޮމްބްސް" އެވެ. މިއީ ނިއުކްލިއަރ ނޫން ބޮންތަކުގެ ތެރެއިން އެންމެ ބާރުގަދަ އެއް ބޮމެވެ. މި ބޮން ފަރުމާކޮށްފައިވަނީ ބިމުގެ އަޑީގައި ހުންނަ ބަންކަރުތަކާއި ހޮހަޅަތައް ފަދަ ތަންތަން ހަލާކުކޮށްލުމަށެވެ.
މި ހަމަލާ އަމާޒުވެފައިވަނީ ބިމުގެ އަޑީގައި ހުރި މިސައިލް ރައްކާކުރާ މަރުކަޒަކަށް ކަމަށް ބެލެވޭ ކަމަށް ނޫސްވެރިން ފާހަގަކޮށްފައިވެއެވެ. މި ހާދިސާއާ ގުޅިގެން އީރާނުގެ ރަސްމީ އިދާރާތަކުން އަދި ވަކި އެއްޗެއް ބުނެފައެއް ނުވެއެވެ.
Ads by BMLމި ހަމަލާއާ ގުޅޭ އިތުރު ތަފްސީލުތައް އަދި ސާފުވަމުންދާއިރު، މިއީ އެ ސަރަހައްދުގެ މަސްރަހު އިތުރަށް ނުތަނަވަސްވެގެން ހިނގައިދާނެ ކަމެއް ކަމަށް މަސްރަހު ދިރާސާކުރާ ފަރާތްތަކުން ބުނެއެވެ. އެމެރިކާގެ އަސްކަރިއްޔާއިން ވެސް މި ހަމަލާއާ ގުޅޭގޮތުން ރަސްމީ ބަޔާނެއް މިހާތަނަށް ނެރެފައެއް ނުވެއެވެ.
Ads by MACL
