ބުދަ، 18 ނޮވެމްބަރު 2026
ޚަބަރު

ޓެކްސީ ލައިނަށް ހާއްސަ ކާރުތައް ރާއްޖެ ގެނެސްފި

ސަރުކާރުން ފަށާ ޓެކްސީ ލައިނަށް ހާއްސަކުރި ޓެކްސީތަކުގެ ތެރެއިން ފުރަތަމަ ބެޗު ރާއްޖެ ގެނައުން.
ސަރުކާރުން ފަށާ ޓެކްސީ ލައިނަށް ހާއްސަކުރި ޓެކްސީތަކުގެ ތެރެއިން ފުރަތަމަ ބެޗު ރާއްޖެ ގެނައުން.

އާންމު ދަތުރުފަތުރުގައި މިހާރު ދިމާވާ ދަތިތައް ހައްލު ކުރުމަށް ސަރުކާރުން ފަށާ ޓެކްސީ ލައިނަށް ހާއްސަކުރި ޓެކްސީތަކުގެ ތެރެއިން ފުރަތަމަ ބެޗު ރާއްޖެ ގެނެސްފި އެވެ.

ޓެކްސީ ލައިންގެ ކާރުތައް ރާއްޖެ ގެނައުން

ޓްރާންސްޕޯޓް މިނިސްޓްރީން "އެކްސް" ގައި މިއަދު ކުރި ޕޯސްޓެއްގައި ވަނީ މި ކާރުތައް ދައްކާލައިފަ އެވެ. އަދި އެ ކާރުތައް ޓްރާންސްޕޯޓް މިނިސްޓަރު މުހައްމަދު އަމީނާއި އެމްޓީސީސީގެ މެނޭޖިން ޑިރެކްޓަރު އަހުމަދު ސައުދީ ވަނީ ބައްލަވާލައްވައިފައެވެ. ވީޑިއޯ އިން ފެންނަ ގޮތުގައި ރާއްޖެ ގެނައި ފުރަތަމަ ބެޗުގައި ހިމެނެނީ 6 ކާރެވެ.

ޓެކްސީ ލައިންގެ ކާރުތައް ރާއްޖެ ގެނައުން

އެމްޓީސީސީއާ ހަވާލުކޮށްގެން މި ހިދުމަތް ދޭއިރު، ހިދުމަތް ދެނީ އެޕްލިކޭޝަނަކުން ޓެކްސީ އަށް އެދޭ ގޮތަށެވެ. އެ ހިދުމަތް 24 ގަޑިއިރު ލިބޭނެއެވެ.

ޓެކްސީ ހިދުމަތް އަންނަ މަހު ފަށާއިރު، ޓެކްސީ ލައިނަށް ގުޅުމަށް ނަމްބަރެއް ވެސް ވަނީ ތައާރަފްކޮށްފައެވެ. އެއީ 1655 އެވެ.

އެމްޓީސިސީން މިހާރު ގެންދަނީ ޓެކްސީ ލައިނަށް ޑްރައިވަރުން ހޯދުމަށް އިންޓަވިއުތަކެއް ވެސް ބާއްވަމުންނެވެ. އަދި ޑްރައިވަރުންގެ ގޮތުގައި މަސައްކަތް ކުރާ ދިވެހިންނަށް ތަމްރީން ދިނުމުގެ މަސައްކަތް ވެސް އެމްޓީސީސީން ދަނީ ކުރަމުންނެވެ.

ޓެކްސީ ލައިންގެ ކާރުތައް ރާއްޖެ ގެނައުން

އެމްޓީސީސީން އޭރު ބުނީ 407 ޑްރައިވަރުން އެ ހިދުމަތަށް ނެރެން ބޭނުންވާ ކަމަށެވެ. މި ޑްރައިވަރުންގެ ތެރޭގައި ޕާޓްޓައިމްކޮށް ނަގާ 122 ޑްރައިވަރުން ހިމެނެއެވެ.

ޓެކްސީ ލައިންގެ ކާރުތައް ރާއްޖެ ގެނައުން

ޓެކްސީގެ ހިދުމަތަކީ ރާއްޖޭގައި ޒަމާނުއްސުރެ ދެމުން އަންނަ ހިދުމަތެކެވެ. ނަމަވެސް އާންމުންގެ ފަރާތުން އެކި ކަހަލަ ޝަކުވާތައް އަބަދުވެސް އާދެއެވެ. އެގޮތުން ދަތުރުތައް ނުނެގުމާއި، ބޭނުން އިރަކު ދަތުރެއް ކޮށްފައި ހުއްޓާލުން ފަދަ ޝަކުވާތައް އޮވެއެވެ.

ސަރުކާރުގެ ޓެކްސީލައިން ހިދުމަތުގެ ބޭނުމަކީ އެފަދަ މައްސަލަތައް ހައްލުކޮށް، ރައްޔިތުންނަށް ފަސޭހަ ހިދުމަތެއް ދިނުމެވެ.