ހެގްސެތަށް އީރާނުގެ ވަރުގަދަ ރައްދެއް: ތިޔައީ ހޮލީވުޑްގެ ވަހުޝީ ފިލްމުތަކުން ސިނކުޑި ތަޣައްޔަރުވެފަ ހުރި މޮޔައެއް
އެމެރިކާގެ ރައީސް ޑޮނަލްޑް ޓްރަމްޕްގެ ޑިފެންސް ސެކްރެޓަރީ ކަމަށް އައްޔަންކުރައްވާފައިވާ ޕީޓް ހެގްސެތު އީރާނަށް ދެއްވި އިންޒާރަކާ ގުޅިގެން، އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ވަރުގަދަ ރައްދެއް ދީފި އެވެ.
ޕީޓް ހެގްސެތު ދެއްވި ބަޔާނެއްގައި ވިދާޅުވެފައިވަނީ، އެމެރިކާއިން އީރާނަށް ބޮން އަޅައި، އެ ގައުމަކީ ނުކުޅެދޭ އެންމެ އިހު ޒަމާނުގެ ގައުމަކަށް ހަދާލާނެ ކަމަށެވެ. މި ވާހަކަތަކަކީ ދެ ގައުމުގެ ދެމެދުގައި އޮތް ނުތަނަވަސްކަން އިތުރަށް ބޮޑުވެގެންދިޔަ ކަމަކަށް ވަނީ ވެފައެވެ.
ހެގްސެތުގެ ވާހަކަތަކަށް ރައްދު ދެއްވަމުން އައިއާރުޖީސީގެ އެއިރޯސްޕޭސް ކޮމާންޑަރު ވިދާޅުވީ، ހެގްސެތުގެ ސިކުނޑި ތަޣައްޔަރުވެފައިވަނީ ހޮލީވުޑްގެ ވަހުޝީ ފިލްމުތަކުން ކަމަށެވެ. އަދި އެންމެ 250 އަހަރުގެ ތާރީޚެއް އޮތް ގައުމަކުން، 6000 އަހަރުވީ ގަދީމީ ހަޟާރާތެއް ފޮހެލަން އުޅުމަކީ ބުއްދިވެރި ކަމެއް ނޫން ކަމަށް އޭނާ ފާހަގަކުރެއްވިއެވެ.
Ads by BMLއީރާނުގެ ކޮމާންޑަރު އިތުރަށް ވިދާޅުވީ، އެމެރިކާއަށް ކުރެވޭނެ ހަމައެކަނި ކަމަކީ އެ ގައުމުގެ ސިފައިންގެ ފުރާނަ ދުއްވާލައި، ސިފައިންގެ ހަށިތައް ގަބުރުސްތާނަށް ގެންދިއުން ކަމަށެވެ. މިއީ އީރާނުގެ ދިފާއީ ބާރުގެ ވަރުގަދަކަން ހާމަކޮށްދިނުމުގެ ގޮތުން ދެއްވި އިންޒާރެއް ކަމަށް މަސްރަހު ދިރާސާކުރާ ފަރާތްތަކުން ބުނެއެވެ.
މި ބަހުގެ ހަމަލާތަކާ ގުޅިގެން ބައިނަލްއަގުވާމީ މައިދާނުގައި ބޮޑެތި ބަހުސްތަކެއް ވަނީ އުފެދިފައެވެ. ޚާއްސަކޮށް އީރާނުގެ ކޮމާންޑަރު ދެއްވި ރައްދަކީ ވަރަށް ސާދާ ނަމަވެސް ވަރުގަދަ ރައްދެއްގެ ގޮތުގައި ގިނަ ބަޔަކު ސިފަކުރެއެވެ.
Ads by MACL
