ބުދަ، 18 ނޮވެމްބަރު 2026
ޚަބަރު

ބަދަލުހިފުމުގެ ގޮތުން ޔޫއޭއީގައި ހުރި އޮރަކަލްގެ އިންފްރާސްޓްރަކްޗާއަށް އީރާނުން ވަރުގަދަ ހަމަލާތަކެއް ދީފި

ބަދަލުހިފުމުގެ ގޮތުން ޔޫއޭއީގައި ހުރި އޮރަކަލްގެ އިންފްރާސްޓްރަކްޗާއަށް އީރާނުން ވަރުގަދަ ހަމަލާތަކެއް ދީފި

ޑރ. ޚަޒްރާއީ އާއި އޭނާގެ އަނބިކަނބަލުން އަވަހާރަކޮށްލުމުގެ ބަދަލުހިފުމުގެ ގޮތުން، ޔުނައިޓެޑް އަރަބް އެމިރޭޓްސް (ޔޫއޭއީ) ގައި ހުރި އެމެރިކާގެ ޓެކްނޮލޮޖީ ކުންފުނި އޮރަކަލްގެ ޑޭޓާ ސެންޓަރުތަކާއި ކޮމްޕިއުޓިން އިންފްރާސްޓްރަކްޗާއަށް އަމާޒުކޮށް ވަރުގަދަ ހަމަލާތަކެއް ދީފި އެވެ.

އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ނެރުނު ބަޔާނެއްގައި ބުނެފައިވަނީ، މިއީ އީރާނުގެ އިސް ފަރާތްތައް އަވަހާރަކޮށްލުމަށް ދެމުންދާ ހަމަލާތަކަށް ރައްދު ދިނުމުގެ ގޮތުން ހިންގި އޮޕަރޭޝަނެއް ކަމަށެވެ. އަދި މީގެ ކުރިން ބްރިގޭޑިއަރ ޖެނެރަލް ފާތިމަލީ ޒާދޭ އަވަހާރަކޮށްލުމާ ގުޅިގެން އެމެރިކާގެ އެމެޒޯން ކުންފުނީގެ ކްލައުޑް ކޮމްޕިއުޓިން އިންފްރާސްޓްރަކްޗާވެސް ހަލާކުކޮށްލާފައިވާނެ ކަމަށް އެ ބަޔާނުގައި ފާހަގަކޮށްފައިވެ އެވެ.

އައިއާރުޖީސީން ތުހުމަތުކުރާ ގޮތުގައި އިންފޮމޭޝަން ޓެކްނޮލޮޖީ އާއި އާޓިފިޝަލް އިންޓެލިޖެންސްގެ ދާއިރާގައި މަސައްކަތްކުރާ މިފަދަ ކުންފުނިތަކަކީ ދުޝްމަނުންގެ ޓެރަރިސްޓް އޮޕަރޭޝަންތަކަށް އެހީތެރިވެދޭ ޖާސޫސީ ވަސީލަތްތަކެކެވެ.

 "ތިޔަބައިމީހުންގެ މައްޗަށް އުދުވާނީ ހަމަލާއެއް ދީފި މީހަކަށް، އެމީހަކު ދިން ހަމަލާއާ އެއްފަދަ ހަމަލާއަކުން ރައްދު ދޭށެވެ،" ކީރިތި ގުރުއާނުގެ އާޔަތަކާ ހަވާލާދީ އެ ބަޔާނުގައި ބުނެފައިވެއެވެ.

މީގެ އިތުރުން، އީރާނުން ވަނީ މިފަދަ ޖަރީމާތަކާއި އަވަހާރަކޮށްލުމުގެ އޮޕަރޭޝަންތައް ތަކުރާރުވާނަމަ، ދެން އަމާޒުވާނެ ކުންފުނިތަކުންވެސް ވަރުގަދަ ރައްދަކަށް ތައްޔާރުވުމަށް އިންޒާރު ދީފައެވެ. މި ހަމަލާއާ ގުޅިގެން ޔޫއޭއީ ނުވަތަ އޮރަކަލް ކުންފުނިން އަދި ރަސްމީކޮށް އެއްޗެއް ބުނެފައެއް ނުވެއެވެ.