މެދުކެނޑުމަކަށް ފަހު ގެމަނަފުށީ ކައުންސިލްގެ ސާފު މެޖޯރިޓީ ސަރުކާރަށް!
މެދުކެނޑުމަކަށް ފަހު ގއ. ގެމަނަފުށީ ކައުންސިލްގެ ސާފު މެޖޯރިޓީ ސަރުކާރު ހިންގާ ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) އިން ކާމިޔާބުކޮށްފިއެވެ.
އިލެކްޝަންސް ކޮމިޝަނުން ހާމަކުރި ނަތީޖާތަކުން ދައްކާ ގޮތުގައި، މި އިންތިޚާބުގައި ގެމަނަފުށީ ކައުންސިލްގެ އެއް ގޮނޑި ފިޔަވައި ހުރިހާ ގޮނޑިއެއް ކާމިޔާބު ކުރީ ޕީއެންސީގެ ކެންޑިޑޭޓުންނެވެ. ބާކީ އިން ގޮނޑި ކާމިޔާބު ކުރީ އަމިއްލަ ގޮތުން ވާދަކުރި މިނިވަން ކެންޑިޑޭޓެކެވެ.
މިއީ ގެމަނަފުށީގެ ތާރީޚުގައި ވެސް ސަރުކާރު ހިންގާ ޕާޓީއަކަށް އެ ރަށު ކައުންސިލްގެ މިފަދަ ބޮޑު މެޖޯރިޓީއެއް ލިބުނު ފުރަތަމަ ފަހަރެވެ. މީގެ ކުރިން ބޭއްވުނު އިންތިޚާބުތަކުގައި އެ ރަށުގެ މެޖޯރިޓީ އާންމުކޮށް ލިބިފައިވަނީ އިދިކޮޅު ފަރާތްތަކަށެވެ.
Ads by BMLމި ކާމިޔާބީއާއެކު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރަށްރަށުގެ ތަރައްޤީއަށް ގެންގުޅުއްވާ ސިޔާސަތުތަކަށް ގެމަނަފުށީގެ ރައްޔިތުންގެ ފުރިހަމަ ތާއީދު އޮތްކަން ހާމަވެގެން ގޮސްފައިވާ ކަމަށް ސިޔާސީ މަސްރަޙު ދިރާސާކުރާ ފަރާތްތަކުން ފާހަގަކުރެއެވެ.
ގެމަނަފުށީ ކައުންސިލްގެ މެޖޯރިޓީ ސަރުކާރަށް ލިބުމަކީ، އެ ރަށުގެ ތަރައްޤީގެ މަޝްރޫޢުތައް ހަލުވިކަމާއެކު ކުރިއަށް ގެންދިއުމަށް ލިބުނު ވަރަށް ބޮޑު ބާރެއް ކަމުގައި އެ ރަށުގެ ރައްޔިތުން ދެކެއެވެ.
Ads by MACL
