އިސްފަހާނަށް އެމެރިކާ ސިފައިން ފޭބީ ޕައިލެޓް ހޯދާކަށް ނޫން، އެއީ ޔުރޭނިއަމް ހޯދަން: އީރާން
އީރާނުގެ އިސްފަހާނަށް އެމެރިކާގެ ސިފައިން ފޭބި ހާދިސާއަކީ ޕައިލެޓަކު ސަލާމަތް ކުރުމުގެ ނަމުގައި ހިންގި އޮޕަރޭޝަނެއް ނަމަވެސް، އޭގެ އަސްލު ބޭނުމަކީ އެ ސަރަހައްދުގައި ހުރި ޔުރޭނިއަމް އަތުލައިގަތުން ކަމަށް ބެލެވޭ ކަމަށް އީރާނުން ހާމަކޮށްފިއެވެ. މި ހަރަކާތުގެ ތެރޭގައި އެމެރިކާގެ 12 މަތިންދާބޯޓު ގެއްލިފައިވާ ކަމަށް ރަސްމީ ހިސާބުތަކުން ދައްކައެވެ.
އީރާނުގެ ފޮރިން މިނިސްޓްރީގެ ތަރުޖަމާނު ވިދާޅުވި ގޮތުގައި، އެމެރިކާ ސިފައިން އިސްފަހާނުގެ ދެކުނަށް ފޭބި ސަރަހައްދަކީ ޕައިލެޓް އޮތް ކަމަށް ބުނާ ސަރަހައްދާ ވަރަށް ދުރުގައި އޮތް ތަނެކެވެ. އެހެންކަމުން، މިއީ ޕައިލެޓް ސަލާމަތް ކުރުމުގެ ބަހަނާގައި އީރާނުން އުފައްދާފައިވާ މުއްސަނދިކުރި ޔުރޭނިއަމްތައް އަތުލައިގަތުމަށް ރޭވި ރޭވުމެއް ކަމަށް ބެލެވޭ ކަމަށް އޭނާ ފާހަގަކުރެއްވިއެވެ.
މި އޮޕަރޭޝަނުގެ ތެރޭގައި އެމެރިކާއިން މަސައްކަތް ކޮށްފައިވަނީ އެ ސަރަހައްދުގައި ވަރުގަދަ މަރުކަޒަކާއި އެއާޕޯޓެއް ބިނާކުރުމަށެވެ. ނަމަވެސް މި މަސައްކަތުގެ ތެރޭގައި އެމެރިކާގެ އަސްކަރިއްޔާއަށް ވަނީ ބޮޑެތި ގެއްލުންތަކެއް ލިބިފައެވެ.
"ޕައިލެޓް ސަލާމަތް ކުރުމުގެ އޮޕަރޭޝަނަކީ ހަގީގަތުގައި މުއްސަނދިކުރި ޔުރޭނިއަމް ހޯދުމަށް ހިންގި އޮޅުވާލުމެއް ކަމަށް ބެލެވޭ،" ތަރުޖަމާނު ވިދާޅުވިއެވެ.
މި ހާދިސާއާ ގުޅިގެން މަސްރަހު ދިރާސާކުރާ ފަރާތްތަކުން ބުނާ ގޮތުގައި، އެމެރިކާގެ މި އަމަލަކީ އީރާނުގެ ނިއުކްލިއާ ގާބިލުކަމަށް ހުރަސް އެޅުމަށް ކުރި މަސައްކަތެކެވެ. މިކަމާ ގުޅޭގޮތުން އެމެރިކާއިން އަދި ރަސްމީކޮށް ވަކި އެއްޗެއް ހާމަކޮށްފައެއް ނުވެއެވެ.
Ads by MACL
