ބުދަ، 18 ނޮވެމްބަރު 2026
ޚަބަރު

އެމްޑަބްލިއުއެސްސީން މަތީން އިސްތިއުފާ ދެއްވައިފި

އެމްޑަބްލިއުއެސްސީން މަތީން އިސްތިއުފާ ދެއްވައިފި

އެމްޑަބްލިއުއެސްސީގެ މެނޭޖިންގ ޑިރެކްޓަރުގެ މަގާމުން ޢަބްދުލްމަތީން މުޙައްމަދު އިސްތިއުފާދީފި އެވެ.

މަގާމުން އިސްތިއުފާ ދެއްވިކަން މަތީން ހާމަކުރެއްވީ ދާދި ދެންމެ އަކު ފޭސްބުކުގައި ކުރެއްވި ޕޯސްޓެއްގައި އެވެ. އެގޮތުން މަތީންގެ ޕޯސްޓުގައި ވިދާޅުވީ އެމްޑަބްލިއުއެސްސީގެ މެނޭޖިންގ ޑިރެކްޓަރުކަމުން އިސްތިއުފާ ދެއްވާފައިވާ ކަމަށެވެ.


ނަމަވެސް ކުއްލި ގޮތަކަށް އިސްތިއުފާ ދެއްވަން ނިންމެވި ސަބަބެއް މަތީން ހާމައެއް ނުކުރައްވައެވެ.


މަތީންގެ މަގާމުން އިސްތިއުފާ ދެއްވި އިރު މިދިޔަ ހަފްތާގައި އެކުންފުނީގެ ޑެޕިއުޓީ މެނޭޖިން ޑިރެކްޓަރު (ޑީއެމްޑީ) އިބްރާހިމް ޝާހިދުވެސް ވަނީ މަގާމުން ވަކިކޮށްފައެވެ. މައުލޫމާތު ލިބިފައިވާ ގޮތުގައި ޝާހިދު ވަކިކުރުމަށް ނިންމީ އެމްޑަބްލިއުއެސްސީގެ ބޯޑު ބައްދަލުވުމެއްގައެވެ. ދައުލަތުގެ ކުންފުނިތަކުގެ ޑެޕިއުޓީ މެނޭޖިންގ ޑިރެކްޓަރުން އައްޔަންކޮށް ވަކިކުރުމުގެ ބާރު އޮންނަނީ އެ ކުންފުންޏެއްގެ ބޯޑަށެވެ.