ބުދަ، 18 ނޮވެމްބަރު 2026
ޚަބަރު

ފިޝަރީޒް އެންޑް އެގްރިކަލްޗަރ މިނިސްޓަރަކަށް ޝިޔާމް އައްޔަނުކުރައްވައިފި

ފިޝަރީޒް އެންޑް އެގްރިކަލްޗަރ މިނިސްޓަރ ކަމުގެ ފަތްކޮޅު ޝިޔާމްއާ ހަވާލުކުރެއްވުން --- ފޮޓޯ: ރައީސް އޮފީސް
ފިޝަރީޒް އެންޑް އެގްރިކަލްޗަރ މިނިސްޓަރ ކަމުގެ ފަތްކޮޅު ޝިޔާމްއާ ހަވާލުކުރެއްވުން --- ފޮޓޯ: ރައީސް އޮފީސް

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ކެބިނެޓުގައި ހިމެނޭ މިނިސްޓަރ އޮފް ފިޝަރީޒް، އެގްރިކަލްޗަރ އެންޑް އޯޝަން ރިސޯސަސްގެ މަޤާމަށް، އަޙްމަދު ޝިޔާމް މިއަދު ރައީސުލްޖުމްހޫރިއްޔާ އައްޔަންކުރައްވައިފިއެވެ.

ޝިޔާމަށް ވަޒީރުކަމުގެ ފަތްކޮޅު އެރުވުމަށް ބޭއްވެވި ޚާއްޞަ ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. މި ރަސްމިއްޔާތުގައި ޝިޔާމް ވަނީ ވަޒީރުކަމުގެ ހުވައި ކުރައްވައި، ހުވައިގެ އިޤްރާރުގައި ސޮއިކުރައްވާފައެވެ.

އަޙްމަދު ޝިޔާމަށް ވަޒީރުންގެ މަޖިލީހުގެ މެންބަރުކަމުގެ ހުވައި ލައިދެއްވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު އަލްއުސްތާޛު ޢަބްދުﷲ ޙަމީދުއެވެ.

ރައީސުލްޖުމްހޫރިއްޔާގެ އޮފީހުގައި ރޭ ބޭއްވެވި ރަސްމިއްޔާތެއްގައި، ވަޒީރުންގެ މަޖިލީހުގެ އެހެން 12 މެންބަރަކަށް ވަނީ މަޤާމުގެ ފަތްކޮޅު އަރުވައި، މަޤާމުގެ މަސްއޫލިއްޔަތު ހަވާލުކުރައްވާފައެވެ. މިއަދު ޝިޔާމް އައްޔަންކުރެއްވުމާއެކު، ސަރުކާރުގެ ކެބިނެޓް އެކުލަވައިލުމުގެ މަސައްކަތް ވަނީ އިތުރަށް ފުރިހަމަވެގެން ގޮސްފައެވެ.