އެމްއެންޔޫ ދަނާލުގައި 18 އަހަރުގެ ދަރިވަރަކު މަރުވި މައްސަލައެއް ތަހުގީގުކުރަން ފަށައިފި
ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) ގެ ދަރިވަރުން ބައިތިއްބާ މާލޭގެ ދަނާލުގައި ދިރިއުޅެމުންދިޔަ އުމުރުން 18 އަހަރުގެ އަންހެން ދަރިވަރަކު މަރުވި މައްސަލައެއް ދިވެހި ފުލުހުންގެ ޚިދުމަތުން ތަހުގީގުކުރަން ފަށައިފިއެވެ.
މިކަމާ ގުޅިގެން ފުލުހުން މިއަދު އާންމުކުރި މައުލޫމާތުގައި ބުނެފައިވަނީ، މާލޭގައި ހުންނަ ކުދިން ބައިތިއްބާ އެކޮމޮޑޭޝަނެއްގައި ޒުވާނަކު މަރުވެފައިވާކަމުގެ ރިޕޯޓު ލިބިގެން އެ އިދާރާއިން އެ މައްސަލަ ބަލަމުން އަންނަ ކަމަށެވެ. އެނގިފައިވާ ގޮތުގައި މި ހާދިސާ ހިނގާފައިވަނީ ރޭ ދަންވަރުގެ ވަގުތެއްގައެވެ.
މި ހިތާމަވެރި ހާދިސާގެ ތަހުގީގު ފެށިފައިވީ ނަމަވެސް، ކުއްޖާގެ މަރާ ގުޅޭ އިތުރު އެއްވެސް ތަފްސީލެއް ފުލުހުން އަދި ހާމަކޮށްފައެއް ނުވެއެވެ.
Ads by BMLއެމްއެންޔޫގެ މައި ކެމްޕަސް ކައިރީގައި ހުންނަ މި ދަނާލަކީ، ހަމައެކަނި އެ ޔުނިވާސިޓީގެ އެކި ކޯސްތަކުގައި ތައުލީމު ހާސިލުކުރަމުންދާ ދަރިވަރުންނަށް ހާއްސަކޮށްގެން ދޫކުރާ ތަނެކެވެ.
Ads by MACL
