ބުދަ، 18 ނޮވެމްބަރު 2026
ޚަބަރު

ވެލާނާ އިންޓަރނޭޝަނަލް އެއާޕޯޓުގެ އެރައިވަލް ރޯޑުގެ ބައެއް ވަގުތީ ގޮތުން ބަންދުކުރަނީ

ވެލާނާ އިންޓަރނޭޝަނަލް އެއާޕޯޓުގެ އެރައިވަލް ރޯޑުގެ ބައެއް ވަގުތީ ގޮތުން ބަންދުކުރަނީ

ވެލާނާ އިންޓަރނޭޝަނަލް އެއާޕޯޓުގެ ޓާމިނަލް 2 ގެ ސަރަހައްދުގައި ކުރިއަށްދާ ކޮންސްޓްރަކްޝަން މަސައްކަތްތަކަކަށްޓަކައި، އެ ސަރަހައްދުގެ އެރައިވަލް ރޯޑުން ބައެއް ވަގުތީ ގޮތުން ބަންދުކުރުމަށް މޯލްޑިވްސް އެއާޕޯޓްސް ކޮމްޕެނީ (އެމް.އޭ.ސީ.އެލް) އިން ނިންމައިފިއެވެ.

މި މަސައްކަތް ކުރިއަށް ގެންދިއުމަށް ހަމަޖެހިފައިވަނީ 23 އޭޕްރީލް 2026 އިން ފެށިގެން 30 އޭޕްރީލް 2026 ގެ ނިޔަލަށް، ކޮންމެ ދުވަހެއްގެ ރޭގަނޑު 00:00 އިން ފަތިހު 05:00 އަށެވެ. މި ވަގުތުތަކުގައި އެ ސަރަހައްދުގެ މަގުގެ ބައެއް ބަންދުވާނެތީ ދަތުރުފަތުރުގެ އިންތިޒާމުތަކަށް ބަދަލުތަކެއް އަންނާނެ ކަމަށް އެ ކުންފުނިން މަޢުލޫމާތުދެއެވެ.

އެގޮތުން ޓެކްސީތަކުން ފަސިންޖަރުން ބޭލުމަށާއި ގޮވައިގެން ދިއުމަށް ބޭނުންކުރަން ޖެހޭނީ ޓާމިނަލް 1 ގެ ޕިކަޕް އެންޑް ޑްރޮޕް ސަރަހައްދެވެ. އަދި ވީ.އައި.ޕީ ޚިދުމަތް ހޯއްދަވާ ފަރާތްތަކުގެ ކާރުތައް މަޑުކުރުމަށް އެރައިވަލް ރޯޑުގައި ޚާއްޞަ ސަރަހައްދެއް ވަނީ ކަނޑައަޅާފައެވެ.

މީގެ އިތުރުން އާރް.ޓީ.އެލް ބަހުގެ ޚިދުމަތަށް އަންނަ ބަދަލުތަކަށް ބަލާއިރު، އެއާޕޯޓަށް އަންނަ ބަސްތައް މަޑުކުރާނީ ޓާމިނަލް 1 ގެ ބަސް ހުއްޓިއަށެވެ. ނަމަވެސް އެއާޕޯޓުން ފުރާ ބަސްތައް މަޑުކުރާނީ ޓާމިނަލް 2 ކައިރީގައިވާ ބަސް ހުއްޓިއަށެވެ.

މި މަސައްކަތް ކުރިއަށްދާ ވަގުތުތަކުގައި ދިމާވެދާނެ ދަތިތަކަށް އެމް.އޭ.ސީ.އެލް އިން މާފަށް އެދޭއިރު، އެއާޕޯޓުން ދޭ އިރުޝާދުތަކާ އެއްގޮތަށް އަމަލުކުރުމަށް ހުރިހާ ފަރާތްތަކަކަށް އެ ކުންފުނިން އިލްތިމާސްކުރެއެވެ.