ބުދަ، 18 ނޮވެމްބަރު 2026
ޚަބަރު

ހިތަދޫ އުތުރު ޕީއެންސީ ޕްރައިމަރީ ބޮޑު ތަފާތަކުން ސިނާ ކާމިޔާބުކޮށްފި

ހިތަދޫ އުތުރު ޕީއެންސީ ޕްރައިމަރީ ބޮޑު ތަފާތަކުން ސިނާ ކާމިޔާބުކޮށްފި

ހިތަދޫ އުތުރު ދާއިރާގެ ބައި އިލެކްޝަނުގައި ވާދަކުރުމަށް ބޭއްވި ޕީއެންސީ ޕްރައިމަރީ ، އެ ދާއިރާގެ ކުރީގެ މެންބަރު މުހައްމަދު ސިނާން ބޮޑު ތަފާތަކުން ކާމިޔާބުކޮށްފިއެވެ.

މި އިންތިހާބުގައި ސިނާއާއި އެކު ދެން ވާދަކުރީ ހިތަދޫ މޫލެކެޑެ ދާއިރާގެ މިހާރުގެ ކައުންސިލަރު އަހުމަދު ސައީދުއެވެ.

މި އިންތިހާބުގައި މާލޭ ކަލާފާނު ސުކޫލުގައި ބެހެއްޓުނު ވޯޓު ފޮށިންވެސް ސިނާ ވަނީ ތަފާތު ބޮޑުކޮށްފައެވެ.

މިފޮށިން ސިނާއަށް 59 ވޯޓު ލިބުނު އިރު ސައީދަށް ލިބިވަޑައިގެންނެވީ 37 ވޯޓެވެ. އަދި ބާތިލް 7 ވޯޓެވެ.

ހިތަދޫގައި ބެހެއްޓުނު ވޯޓު ފޮށިން ސިނާ އަށް ލިބިފައިވަނީ 167 ވޯޓެވެ. އަދި ސައީދަށް ލިބިވަޑައިގެންނެވީ 149 ވޯޓެވެ. މި ފޮށީގައި ބާތިލް 2 ވޯޓު އޮތް އިރު ސިނާ މި ޕްރައިމަރީ ކާމިޔާބުކޮށްފައިވަނީ 40 ވޯޓުގެ ތަފާތަކުންނެވެ.

ޖޫން 6 ގައި ބޭއްވުމަށް ހަމަޖެހިފައިވާ ބައި އިލެކްޝަންގައި ސިނާއާއި އެކު ދެން ވާދަކުރަނީ އެމްޑީޕީގެ ކެންޑިޑޭޓް ސޯބެއެވެ.