ބުދަ، 18 ނޮވެމްބަރު 2026
ޚަބަރު

މިނިވަންކަން އޮންނަަންވާނީ އަނެކުންގެ ހައްގުތަކަށް އިހުތިރާމުގެ މަތީގައި: ނިހާން

މަޖިލީހުގެ ރައީސްގެ ބިއުރޯގެ ވެރިޔާ އަހުމަދު ނިހާން ހުސެއިންމަނިކް
މަޖިލީހުގެ ރައީސްގެ ބިއުރޯގެ ވެރިޔާ އަހުމަދު ނިހާން ހުސެއިންމަނިކް

މިނިވަންކަން އޮންނަަންވާނީ އަނެކުންގެ ހައްގުތަކަށް އިހުތިރާމުގެ މަތީގައި ކަމަށް ރައްޔިތުންގެ މަޖިލީހުގެ ރައީސްގެ ބިއުރޯގެ ވެރިޔާ އަދި ރައްޔިތުންގެ މަޖިލީހުގެ ވިލިމާލެ ދާއިރާގެ މެންބަރުކަން ކުރެއްވި އަހްމަދު ނިހާނު ހުސައިން މަނިކު ވިދާޅުވެއްޖެއެވެ.

އޮންލައިން ނޫސް އަދަދުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާމެދު ޤަޛުފުކުރި މީހަކު ދެއްކި ވާހަކަތަކެއް ގެނެސްދިން ވީޑިޔޯއަކާ ގުޅިގެން ދިވެހި ފުލުހުންގެ ހިދުމަތުން ޖިނާއީ ތަހުގީގެއް ފެށުމާއެކު މިހާރު މީސްމީޑިއާގައި ބޮޑު ބަހުސެއް އަންނަަނީ ހިނގަމުންނެވެ.


އެ މައުޟޫއަށް އިޝާރާތްކުރައްވައި ނިހާނު ވިދާޅުވީ އިނގިރޭސި ފަލްސަަފާވެރިޔާ ޖޯން ސްޓުއަޓް މިލް ވިދާޅުވެފައިވާ ފަދައިން، މިނިވަންކަން އޮންނަަންވާނީ އަނެކުންގެ ހައްގުތަކަށް އިހުތިރާމުގެ މަތީގައި ކަމަަށެވެ. އެ އިހުތިރާމު ނެތިއްޖެނަމަ އަދުލުވެރިކަން ނެތިގެން ހިނގައިދާނެ ކަމުގައިވެސް ނިހާނު ވިދާޅުވިއެވެ.


އަދި ހުދޫދުތަކެއް ނެތި މިނިވަންކަން ދީފިނަމަ ދެން ކަން ހިނގައިދާނެ ގުޅޭ ގޮތުން، ސްކޮޓްލޭންޑުގެ ފަލްސަފާވެރިޔާ ތޮމާސް ހޮބްސްގެ ލިޔުއްވުމުގައި ވިދާޅުވެފައިވާ ގޮތަށް ހަމަޖެހުމުގެ ބަދަލުގައި ކޮންފްލިކްޓު ނުވަތަ ހަމަނުޖެހުންތައް ވުޖޫދުވެގެންދާނެ ކަމަށްވެސް ނިހާނު ވިދާޅުވިއެވެ.


ހަގީގީ މިނިވަންކަމަކީ އެކަހެރިކޮށް އޮންނަ ކަމެއް ނޫންކަން ފާހަގަކުރައްވަމުން ނިހާނު ވިދާޅުވީ ގާނޫނާއި ތިލަފަތްހަމަކާއި ޖަވާބުދާރީވުމަކީ ހައްގުތަކާއި މިނިވަންކަމުގެ އަސާސްތަކެއް ކަމަށާއި، އެއިރުން ފަރުދުންގެ ހައްގުތަކާއި ޖަމާއީ ހަމަޖެހުން ރައްކާތެރިވެގެންދާނެ ކަމަށެވެ.