އީރާނުން ނިއުކްލިއާ ހަތިޔާރު އުފެއްދުމަކީ ބޮޑު ނުރައްކަލެއް ކަމަށް މާކޯ ރޫބިއޯ ވިދާޅުވެއްޖެ
އީރާނުން ނިއުކްލިއާ ހަތިޔާރު އުފައްދައިފި ނަމަ ބައިނަލްއަގުވާމީ މަސްރަހަށާއި އިގްތިސާދަށް ކުރިމަތިވެދާނެ ނުރައްކާތަކާ ގުޅޭގޮތުން އެމެރިކާގެ ސެނެޓަރ މާކޯ ރޫބިއޯ ކަންބޮޑުވުން ފާޅުކުރައްވައިފިއެވެ. ރޫބިއޯ ވިދާޅުވީ އީރާނުގެ އަތުގައި ނިއުކްލިއާ ހަތިޔާރު ހުރެފައި، އެ ގައުމުން ހޮރްމޫޒް ކަނޑުއޮޅި ބަންދުކުރަން ނިންމައިފިނަމަ، ދުނިޔޭގެ ބާޒާރުގައި ތެލުގެ އަގު އިންތިހާއަށް އުފުލިގެންދާނެ ކަމަށެވެ.
ރޫބިއޯ ފާހަގަކުރެއްވި ގޮތުގައި، އީރާނުން މިފަދަ ފިޔަވަޅެއް އަޅައިފިނަމަ، އެމެރިކާގައި ތެޔޮ ގުލަނެއްގެ އަގު 9 ޑޮލަރަށް އުފުލިގެން ދިއުމުގެ ފުރުސަތު އެބައޮތެވެ. އަދި އެ ހާލަތުގައި އީރާނާ ދެކޮޅަށް ކުރެވޭނެ އެއްވެސް ކަމެއް ނޯންނާނެ ކަމަށް އޭނާ ވިދާޅުވިއެވެ.
"އީރާނުގެ އަތުގައި ނިއުކްލިއާ ހަތިޔާރު ހުރެފައި، އެމީހުން ކަނޑުއޮޅި ބަންދުކޮށް ތެލުގެ އަގު ބޮޑުކުރަން ނިންމައިފިނަމަ، އެކަމާ ދެކޮޅަށް އަޅުގަނޑުމެންނަށް ކުރެވޭނެ އެއްވެސް ކަމެއް ނޯންނާނެ،" ރޫބިއޯ ވިދާޅުވިއެވެ.
މީގެ އިތުރުން، އީރާނުން މިހާރުވެސް ނިއުކްލިއާ ހަތިޔާރެއް ނެތި ކަނޑުއޮޅި ބަންދުކޮށްފައިވާކަން ރޫބިއޯ ފާހަގަކުރެއްވިއެވެ. މިއީ އީރާނުގެ ނުރައްކާތެރިކަން ހާމަވާ ކަމެއް ކަމަށް އޭނާ ވިދާޅުވިއެވެ.
ރޫބިއޯ އިތުރަށް ވިދާޅުވީ، ނިއުކްލިއާ ހަތިޔާރު ހުރި އީރާނަކީ ހަމައެކަނި އިސްރާއީލަށް އޮތް ނުރައްކަލެއް ނޫން ކަމަށާއި، އެއީ މުޅި ދުނިޔެއަށް އޮތް ބޮޑު ބިރެއް ކަމަށެވެ.
Ads by BML
Ads by MACL
