އެމްޑީޕީގެ ސިޔާސަތަކީ ”ބޮވެންވާނެ“:ރައީސް
އެމްޑީޕީގެ ސިޔާސަތަކީ މަސްތުވާތަކެތި "ބޮވެންވާނެ" ކަމަށް ބުނުން ކަމަށް ރައީސުލް ޖުމްހޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ ޕީއެންސީން ހަރުގޭގައި ބޭއްވި ޖަލްސާގައި އިދިކޮޅަށް ވަރަށް ބޮޑަށް ފާޑުވިދާޅުވަމުން ދެއްކެވި ވާހަކަފުޅުގައެވެ.
ރައީސް ވިދާޅުވީ ރައީސް ވިދާޅުވީ މަސްތުވާތަކެތި އެތެރެކޮށް އޭގެ ވިޔަފާރިކުރާ ފަރާތްތަކަށް މަރުގެ އަދަބު ދިނުމަކީ މީގެ ކުރިން އެއްވެސް ސަރުކާރަކަށް ކުރަން ނުކެރުނު ކަމެއް ކަމަށެވެ. ނަމަވެސް، މި ސަރުކާރުން މިހާރު އެކަން ގާނޫނަކަށް ހަދާފައިވާ ކަމަށާއި، އެކަމުގައި ދޫނުދެއްވާނެ ކަމަށް އެމަނިކުފާނު ވިދާޅުވިއެވެ.
ރައީސް ވިދާޅުވީ އެމަނިކުފާނުގެ ސަރުކާރުން އެންމެ ބޮޑު އިސްކަމެއް ދެއްވި އެއް ދާއިރާއަކީ ޚާރިޖީ ދާއިރާ ކަމަށެވެ. އަދި ވެރިކަމާ ހަވާލުވެވަޑައިގަތްއިރު، ރާއްޖޭގެ ޚާރިޖީ ސިޔާސަތު އޮތީ ވަކި އަތަކަށް ގޮސް ހުސްވެފައި ކަމަށް އެމަނިކުފާނު ފާހަގަކުރެއްވިއެވެ.
Ads by BMLމީގެ ކުރިން އޮތް އެމްޑީޕީ ސަރުކާރުން އިންޑިއާއަށް ބަރޯސާވެފައި އޮތް އޮތުމަށާއި، އޭގެ ކުރީ ސަރުކާރުން ޗައިނާއަށް ބަރޯސާވެފައި އޮތް އޮތުމަށް އިޝާރާތް ކުރައްވައި ރައީސް ވިދާޅުވީ، މީގެ ކުރިން ރާއްޖޭގެ ހާލަތު އޮތީ ވަކި ގައުމެއްގެ ”އެޕްރޫވަލް“ ނުވަތަ ހުއްދަ ނުހޯދައި، އެ ގައުމާ ވާދަވެރި ގައުމަކަށް ރާއްޖޭގެ އެއްވެސް ވަފުދެއްވެސް ނުފޮނުވޭ ފަދަ ނިކަމެތި ހާލަތެއްގައި ކަމަށެވެ.
ނަމަވެސް، މިހާރު ”މޯލްޑިވްސް ފަސްޓް“ ޕޮލިސީ ކަނޑައެޅުމުގެ މަސައްކަތް ބާރަށް ކުރިއަށްދާކަން ރައީސް ފާހަގަކުރެއްވިއެވެ. މި ސިޔާސަތުގެ ދަށުން ކޮންމެ ކަމެއްގައިވެސް އެންމެ އިސްކަމެއް ދޭނީ ދިވެހި ރައްޔިތުންނަށެވެ. ރައީސް އިތުރަށް ވިދާޅުވީ، ރާއްޖެއަކީ މިއަދު ބައިނަލްއަގުވާމީ މުޖުތަމައު (އިންޓަނޭޝަނަލް ކޮމިއުނިޓީ) ބަލައިގެންފައިވާ، އަދި ބައިނަލްއަގުވާމީ މައިދާނުގައި ބަސްވިކޭ ގައުމެއްގެ ގޮތުގައި ހަމަޖެހިފައިވާ ކަމަށެވެ.
މި ސަރުކާރުގެ އަމާޒަކީ އެއްވެސް ގައުމަކަށް ބަރޯސާނުވެ، ހުރިހާ ގައުމަކާ އެކުވެސް ގާތް ގުޅުމެއް ބާއްވައިގެން، ދިވެހި ގައުމުގެ މިނިވަންކަމާއި އިސްތިގުލާލު ހިމާޔަތްކުރުން ކަމަށް ރައީސް ޑރ. މުއިއްޒު ވިދާޅުވިއެވެ.
Ads by MACL
