ވޯލްޑް ކަޕް 2026: ޕްރެސަރު ބޮޑުވެ، މެޗުތަކަށް ވަންނަ ސަޕޯޓަރުންނަށް ފެންފުޅި ވެއްދުމުގެ ހުއްދަ ދީފި
މި މަހުގައި އެމެރިކާ އަދި ކެނެޑާގައި ބޭއްވުމަށް ހަމަޖެހިފައިވާ ފީފާ ވޯލްޑް ކަޕްގެ މެޗުތައް ބަލަން ދާ ސަޕޯޓަރުންނަށް، ވަކި އުސޫލުތަކެއްގެ ދަށުން ދަނޑަށް ފެންފުޅި ވެއްދުމުގެ ހުއްދަ ދިނުމަށް ފީފާއިން ނިންމައިފިއެވެ.
މި ނިންމުމާ ގުޅޭގޮތުން ފީފާއިން ހާމަކޮށްފައިވާ ގޮތުގައި، ކޮންމެ ސަޕޯޓަރަކަށްވެސް 20 އައުންސް (590 މިލިލީޓަރު) ގެ އެއް ފެންފުޅި ދަނޑަށް ވެއްދޭނެއެވެ. ނަމަވެސް މިގޮތަށް ވެއްދޭނީ ހަމައެކަނި ފެކްޓްރީން ސީލްކޮށްފައިވާ، މަޑު ޕްލާސްޓިކްގެ ޑިސްޕޯޒަބަލް ފުޅިތަކެވެ.
ފީފާ ވޯލްޑް ކަޕް 2026 ގެ ޗީފް އޮޕަރޭޓިންގ އޮފިސަރު، ހައިމޯ ޝިރްގީ ވިދާޅުވީ، ސަލާމަތީ ސަބަބުތަކަށްޓަކައި ހަރު ޕްލާސްޓިކް ނުވަތަ ދގަނޑު ފަދަ ތަކެތިން އުފައްދާފައިވާ، އަލުން ބޭނުންކުރެވޭ ނުވަތަ ރިޔޫޒަބަލް ފުޅިތައް ދަނޑަށް ވެއްދުން މަނާވާނެ ކަމަށެވެ. މިއީ މެޗު ބަލަން އަންނަ އެންމެހައި ފަރާތްތަކުގެ ރައްކާތެރިކަން ކަށަވަރުކުރުމަށް އެޅި ފިޔަވަޅެއް ކަމަށް އޭނާ ފާހަގަކުރެއްވިއެވެ.
Ads by BMLމި ފަހަރުގެ ވޯލްޑް ކަޕަކީ ތާރީޚުގައިވެސް ބޭއްވޭ އެންމެ ބޮޑު ފުޓްބޯޅަ މުބާރާތަށް ވެގެންދާއިރު، ދުނިޔޭގެ އެކި ކަންކޮޅުތަކުން އަންނަ ސަޕޯޓަރުންނަށް މަރުހަބާ ކިޔުމަށް ފީފާއިން އަންނަނީ ވަރަށް ބޮޑަށް ތައްޔާރުވަމުންނެވެ. މި ނިންމުމާއެކު، ހޫނު މޫސުމުގައި ކުޅޭ މެޗުތައް ބަލަން އަންނަ ސަޕޯޓަރުންނަށް ކޮންމެވެސް ވަރެއްގެ ލުޔެއް ލިބިގެންދާނެއެވެ.
Ads by MACL
