ފުލުހަކު ކުޑަކުއްޖަކަށް ޖިންސީ ގޯނާކުރި މައްސަލައެއް ބަލަން ފަށައިފި
އިތުބާރުކުރެވޭ ފަދަ މަގާމެއްގައި ހުރެ ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތު ކުރެވޭ ފުލުސް އޮފިސަރެއްގެ މައްސަލަ، ދިވެހި ފުލުހުންގެ ހިދުމަތުން ރަސްމީކޮށް ތަހުގީގު ކުރަން ފަށައިފިއެވެ.
މި ހިނގާ ޖޫން މަހުގެ ފުރަތަމަ ދުވަހު ފުލުހުންގެ އިދާރާއަށް ހުށަހެޅި މި މައްސަލައިގެ ޖިނާއީ ތަހުގީގު ކުރިއަށްގެންދަނީ ފެމިލީ އެންޑް ޗައިލްޑް ޕްރޮޓެކްޝަން ކޮމާންޑުންނެވެ.
ޖިނާއީ ތަހުގީގުގެ އިތުރުން، ތުހުމަތު ރައްދުވާ ފުލުސް އޮފިސަރާ ގުޅޭ އިދާރީ އަދި ސުލޫކީ މައްސަލަ ފުލުހުންގެ ޕްރޮފެޝަނަލް ސްޓެންޑަރޑްސް ކޮމާންޑުން ވަކިން ބަލަމުންދާ ކަމަށްވެސް އެ މުއައްސަސާއިން ހާމަކުރެއެވެ.
ނަމަވެސް، ކުޑަކުއްޖާގެ ރައްކާތެރިކަމަށްޓަކައި އަދި ތަހުގީގު ކުރިއަށްދާ ގޮތް ސިއްރުކުރުމުގެ ގޮތުން، މައްސަލައިގެ އިތުރު އެއްވެސް ތަފްސީލެއް ފުލުހުންގެ އިދާރާއިން އަދި ހާމައެއް ނުކުރެއެވެ.
Ads by MACL
