މަގުހެދުމުގެ މަސައްކަތަށް ބޮޑުތަކުރުފާނުމަގާއި ޗާންދަނީމަގު ގުޅޭ ސަރަހައްދު ދެކޮޅަށް ދުއްވޭގޮތަށް ބަދަލުކޮށްފި
މިހާރު ކުރިއަށްދާ މަގުހެދުމުގެ މަޝްރޫއާ ގުޅިގެން މާލޭގެ އުތުރުފަރާތު ބޮޑުތަކުރުފާނުމަގާއި ޗާންދަނީމަގު ގުޅޭ ސަރަހައްދުގެ ޓްރެފިކް ފްލޯއަށް ފުލުހުން މިއަދު ބޮޑު ބަދަލެއް ގެނެސްފިއެވެ.
އާންމުކޮށް އެއްކޮޅަށް ދުއްވުމަށް ހާއްސަކޮށްފައި އޮންނަ މި ސަރަހައްދަށް ގެނައި ބަދަލާއެކު، ބޮޑުތަކުރުފާނުމަގާއި ޗާންދަނީމަގު ގުޅުނު ހިސާބުން ފެށިގެން އޯކިޑްމަގާއި އަމީރު އަހުމަދު މަގާ ހަމައަށް މިހާރު ދެކޮޅަށް ދުއްވޭނެ ކަމަށް ފުލުހުން ވަނީ ބުނެފައެވެ.
ފުލުހުން ހާމަކުރި ގޮތުގައި މި ބަދަލު ގެންނަން ޖެހުނީ ބޮޑުތަކުރުފާނުމަގު ތަރައްގީކުރުމުގެ މަސައްކަތަށް ބައެއް މަގުތައް ބަންދުކުރަން ޖެހުމާ ގުޅިގެން، ދަތުރުކުރާ ފަރާތްތަކަށް ދިމާވާ ދަތިތަކަށް ހައްލެއް ހޯދައިދިނުމުގެ ގޮތުންނެވެ.
Ads by BMLއެހެންކަމުން މަގު ބޭނުންކުރާ ހުރިހާ ފަރާތްތަކުންވެސް މި ބަދަލަށް ސަމާލުވުމަށާއި، މަގުމަތީގެ ސަލާމަތާއި ރައްކާތެރިކަމަށްޓަކައި ޓްރެފިކް ނިޝާންތަކަށް ފުރިހަމައަށް ބޯލެނބުމަށް އިދާރާތަކުން ވަނީ އިލްތިމާސްކޮށްފައެވެ.
Ads by MACL
