ބަހްރައިންގައި ހުންނަ އެމެރިކާގެ މަރުކަޒަށް އިރާނުން ރައްދު ހަމަލާ ދީފި
އެމެރިކާގެ ހެލިކޮޕްޓަރެއް ވައްޓާލުމާ ގުޅިގެން އީރާނަށް އެމެރިކާއިން ދިން ހަމަލާތަކުގެ ބަދަލުހިފުމެއްގެ ގޮތުން، ބަހުރައިންގައި ހުންނަ އެމެރިކާގެ އަސްކަރީ މަރުކަޒަކަށް ހަމަލާ ދީފައިވާ ކަމަށް އީރާނުގެ ރިވޮލިއުޝަނަރީ ގާޑްސް (އައިއާރުޖީސީ) އިން ބުނެފި އެވެ.
"ދުޝްމަނުންގެ މި ނުބައި އަމަލުގެ ރައްދުގައި، އައިއާރުޖީސީ ގެ ކަނޑުގެ ސިފައިން ވަނީ ބަހުރައިންގައިވާ އެމެރިކާގެ ފިފްތު ފްލީޓަށް ޑްރޯން ހަމަލާއެއް ދީފައި،" އެ ބަޔާނުގައި ބުނެފައިވެ އެވެ.
މިފަދަ ހަމަލާތައް ކުރިއަށްދާ ނަމަ، މިއަށްވުރެ ވަރުގަދަ ރައްދެއް ދޭނެކަމުގެ އިންޒާރު ވެސް ވަނީ ދީފަ އެވެ.
އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ނެރުނު ބަޔާނެއްގައި ބުނީ، އީރާނަށް ހަމަލާ ދިނީ "ސަބަބަކާ ނުލައި" ދިން ހަމަލާގެ ރައްދު ދިނުމުގެ ގޮތުން، ރައީސް އަދި ކޮމާންޑަ އިން ޗީފް ޓްރަމްޕުގެ ސީދާ އަމުރަށް ދިފާއީ ފިޔަވަޅެއްގެ ގޮތުން ކަމަށެވެ.
އެމެރިކާގެ ހަމަލާތަކާ ގުޅޭގޮތުން ޑިޖިޓަލް ނޫސް އެޖެންސީ "އެކްސިއޯސް" އިން ރިޕޯޓްކޮށްފައިވާ ގޮތުގައި، އެމެރިކާގެ އަސްކަރިއްޔާއިން މައިގަނޑު ގޮތެއްގައި ހަމަލާތައް އަމާޒުކޮށްފައިވަނީ ހޮރްމުޒް ކަނޑުއޮޅި ކައިރީގައި ހުރި އީރާނުގެ ވައިގެ ދިފާއީ ނިޒާމުތަކަށާއި ރާޑަރު މަރުކަޒުތަކަށެވެ.
Ads by MACL
