ވެނެޒުއެލާގެ ރައްޔިތުންނަށް ނޭމާގެ ދީލަތި އެހީއެއް؛ 250,000 ޑޮލަރު ހަދިޔާކޮށްފި
ދުނިޔޭގެ މަޝްހޫރު ފުޓްބޯޅަ ތަރި ނޭމާ ޖޫނިއާ، ވެނެޒުއޭލާގައި ހިނގަމުންދާ ކާރިސާގައި ހާލުގައި ޖެހިފައިވާ މީހުންނަށް އެހީތެރިވުމަށާއި، ކުއްލި ހާލަތްތަކުގައި މީހުން ސަލާމަތްކުރުމަށް ކުރާ މަސައްކަތްތަކަށް އެއްބާރުލުން ދިނުމުގެ ގޮތުން 250,000 އެމެރިކާ ޑޮލަރު ހަދިޔާކޮށްފިއެވެ.
މި ދީލަތި އެހީގެ ސަބަބުން ކާރިސާގެ އަސަރުކޮށްފައިވާ ފަރާތްތަކަށް ބޭނުންވާ ކާބޯތަކެއްޗާއި، ބޯފެނާއި، ބޭސްފަރުވާގެ ސާމާނުގެ އިތުރުން ވަގުތީ ހިޔާވަހިކަން ފޯރުކޮށްދިނުމަށް ބޮޑު އެހީތެރިކަމެއް ލިބިގެންދާނެއެވެ. މީގެ އިތުރުން މި އެހީ ބޭނުންކުރެވޭނީ މިހާރުން މިހާރަށް ބޭނުންވާ އިންސާނީ އެހީތެރިކަން ފޯރުކޮށްދިނުމަށެވެ.
މިކަމާ ގުޅޭގޮތުން ވާހަކަ ދައްކަމުން ނޭމާ ބުނީ، "މަގޭ ހިތްވަނީ ވެނެޒުއޭލާގެ ރައްޔިތުންނާ އެކު" ކަމަށެވެ. އަދި މި އެހީގެ ސަބަބުން، ބަޔާންކުރަން ދަތި ތަދާއި ކެކުޅުމުގެ ތެރޭގައި ތިބި އާއިލާތަކަށް ހިތްވަރާއި ލުއިފަސޭހަކަމެއް ލިބޭނެ ކަމަށް އުންމީދުކުރާ ކަމަށްވެސް އޭނާ ފާހަގަކުރިއެވެ.
Ads by BMLނޭމާގެ މި އެހީއަކީ ވެނެޒުއޭލާގައި ހާލުގައި ޖެހިފައިވާ ފަރާތްތަކަށް ބައިނަލްއަގުވާމީ ފެންވަރުގައި އެހީތެރިކަން ހޯދުމަށް ކުރެވޭ މަސައްކަތްތަކަށް ލިބުނު އިތުރު ކުރިއެރުމެކެވެ. މި އެހީގެ ސަބަބުން އެގައުމުގެ އިންސާނީ އެހީ ފޯރުކޮށްދޭ ޖަމިއްޔާތަކުގެ މަސައްކަތްތައް އިތުރަށް ހަލުވިވެގެންދާނެއެވެ.
Ads by MACL
