ބުދަ، 18 ނޮވެމްބަރު 2026
ޚަބަރު

ވޯލްޑް ކަޕް 2026: ނޯވޭ - އައިވަރީ ކޯސްޓް; ތާރީޚީ ކުރިމަތިލުމެއް

ވޯލްޑް ކަޕް 2026: ނޯވޭ - އައިވަރީ ކޯސްޓް; ތާރީޚީ ކުރިމަތިލުމެއް
2026 ވަނަ އަހަރުގެ ފީފާ ވޯލްޑް ކަޕަކީ ފުޓްބޯޅައިގެ ތާރީޚުގައި އާ ސަފުހާތަކެއް ލިޔެވެމުންދާ މުބާރާތެކެވެ. މީގެ ތެރެއިންވެސް، ނޮކްއައުޓް ބުރުގައި ނޯވޭ އާއި އައިވަރީ ކޯސްޓް ބައްދަލުކުރާ މެޗަކީ ގިނަ ބައެއްގެ ސަމާލުކަން ހުއްޓިފައިވާ ތާރީޚީ ކުރިމަތިލުމެކެވެ. މިއީ އައިވަރީ ކޯސްޓުން ވޯލްޑް ކަޕްގެ ނޮކްއައުޓް ބުރުގައި ކުޅޭ ފުރަތަމަ ފަހަރަށް ވާއިރު، ނޯވޭ އިން ނުކުންނަނީ އެ ގައުމުގެ ފުޓުބޯޅަ ތާރީޚު ދުއް އެންމެ ވަރުގަދަ ތަރި އާ އެކުގައެވެ.

ދެ ޓީމު ގްރޫޕް ސްޓޭޖުން ނޮކްއައުޓް ބުރަށް ދަތުރުކުރުން

އައިވަރީ ކޯސްޓް މި ބުރަށް ދަތުރުކުރީ ގްރޫޕް 'އީ' ގެ ދެވަނަ ޓީމުގެ ގޮތުގައެވެ. އެޓީމު ވަނީ އިކުއެޑޯ އާއި ކިއުރަސާއޯ ބަލިކޮށް، ވަރުގަދަ ޖަރުމަނު އަތުން ހަނި ގޮތަކަށް ބަލިވެފައެވެ. އަނެއްކޮޅުން ނޯވޭ މި ބުރަށް އައީ ގްރޫޕް 'އައި' ގެ ދެވަނަ ހޯދައިގެންނެވެ. އިރާގާއި ސެނެގާލް ބަލިކުރުމަށްފަހު، ފްރާންސް އަތުން ބަލިވި ނަމަވެސް، ނޯވޭ އިން ވަނީ އެޓީމުގެ ފެންވަރު މި މުބާރާތުގައި ވަަރަށް ރަނގަޅަށް ދައްކާލާފައެވެ.

އާލިން ހާލަންޑް، ނޯވޭގެ އުންމީދު

ނޯވޭ ޓީމުގެ އެންމެ ބޮޑު ބާރަކީ ދުނިޔޭގެ އެންމެ މޮޅު އެއް ފޯވާޑް އާލިން ހާލަންޑެވެ. ދިގު އިސްކޮޅަކާއި ވަރިގަދަ ހަށިގަނޑެއް ލިބިފައިވާ ހާލަންޑް މި މުބާރާތުގައި މިހާތަނަށް ކުޅުނު ދެ މެޗުން ހަތަރު ލަނޑު ޖަހައި، އޭނާ ވަނީ ވޯލްޑް ކަޕުގައި އެންމެ ގިނަ ލަނޑު ޖަހައިގެން ރަން ބޫޓަށް ވާދަކުރާނެ ފެންވަރު ހުރިކަން ސާބިތުކޮށްދީފައެވެ.

ކެޕްޓަން މާޓިން އޮޑެގާޑްގެ އެހީތެރިކަމާއެކު، ހާލަންޑް ހުއްޓުވުމަކީ އައިވަރީ ކޯސްޓްގެ ޑިފެންސަށް ކުރިމަތިވާނެ އެންމެ ބޮޑު ގޮންޖެހުމެވެ. 1998 ވަނަ އަހަރަށްފަހު ފުރަތަމަ ފަހަރަށް ވޯލްޑް ކަޕްގައި ކުޅޭ ނޯވޭގެ އަމާޒަކީ އެ ގައުމުގެ ތާރީޚީ ރެކޯޑް އަލުން އާކުރުމެވެ.

އައިވަރީ ކޯސްޓް، އެފްރިކާގެ ފަޚުރު


މި މުބާރާތުގައި ވާދަކުރާ އެފްރިކާގެ ނުވަ ޓީމުގެ ތެރެއިން އައިވަރީ ކޯސްޓަކީ ވަރަށް އުންމީދީ ޓީމެކެވެ. ޚާއްޞަކޮށް ޒުވާން ހުނަރުވެރިޔާ ޔާން ދިއޮމާންޑޭގެ ކުޅުން ފާހަގަކޮށްލެވެއެވެ. މެދުތެރެއިން ކުޅުން ބައްޓަންކޮށް، އިދިކޮޅު ޓީމުގެ ޑިފެންސް ރޫޅާލުމުގައި އޭނާގެ ދައުރު ބޮޑެވެ. ކޯޗު އެމާސް ފައޭ ބުނާ ގޮތުގައި، އެޓީމުގެ ވަރުގަދަކަމަކީ ހަމައެކަނި އެކަކަށް ބަރޯސާނުވެ، ތަފާތު ކުޅުންތެރިން ލަނޑު ޖެހުމެވެ.

މެޗުގެ ނަތީޖާ އާއި ކުރިމަގު


ތާރީޚަށް ބަލާއިރު ނޯވޭއަށް ކުރި ލިބުނު ނަމަވެސް، އައިވަރީ ކޯސްޓަކީ ކޮންމެ ވަގުތަކުވެސް ހައިރާންކަމެއް ގެނުވަފާނެފަދަ ޓީމެކެވެ. މި މެޗަކީ ހަމައެކަނި ދެ ގައުމުގެ ކުރިމަތިލުމެއް ނޫނެވެ. މިއީ ޔޫރަޕްގެ ތަޖުރިބާ އާއި އެފްރިކާގެ ގަދަ ބާރެއް ބައްދަލުކުރާ ފޯރިގަދަ ކުރިމަތިލުމެކެވެ. މެޗުން މޮޅުވާ ޓީމަކަށް ގަދަ 16 ވަނަ ބުރުން ފުރުސަތު ލިބިގެންދާނެއެވެ.

ޖުމްލަގޮތެއްގައި ބަލާއިރު، މިފަހަރުގެ ވޯލްޑް ކަޕްގައި ނޯވޭ އާއި އައިވަރީ ކޯސްޓް ބައްދަލުކުރާ މެޗަކީ ފުޓްބޯޅަ ސަޕޯޓަރުންނަށް ލިބޭނެ ވަރަށް ބޮޑު ހަދިޔާއެކެވެ. ހާލަންޑްގެ ގޯލުތަކާއި ދިއޮމާންޑޭގެ ހުނަރުވެރިކަން ފެނިގެންދާނެ މި މެޗަކީ މުބާރާތުގެ އެންމެ ފާހަގަކޮށްލެވޭ އެއް މެޗަށް ވާނެކަން ކަށަވަރެވެ. މިއީ މި ދެޓީމުގެ ފުރަތަމަ ކުރިމަތިލުމެވެ.

އައިވަރީ ކޯސްޓާއި ނޯވޭ ބައްދަލުކުރާ މި މެޗު ފެށޭނީ މިރޭ ރާއްޖޭގެ ގަޑިން 9:00 ގައިއެވެ.