ބުދަ، 18 ނޮވެމްބަރު 2026
ޚަބަރު

ވޯލްޑް ކަޕް 2026: ފްރާންސާއި ސުވިޑަންގެ ކުރިމަތިލުން؛ ސްވިޑެން ދޫނުދޭނެ!

ވޯލްޑް ކަޕް 2026: ފްރާންސާއި ސުވިޑަންގެ ކުރިމަތިލުން؛ ސްވިޑެން ދޫނުދޭނެ!

2026 ވަނަ އަހަރުގެ ފީފާ ވޯލްޑް ކަޕްގެ ނޮކައުޓް މަރުހަލާގައި ދުނިޔޭގެ ފުޓްބޯޅައިގެ ގަދަބާރެއް ކަމަށްވާ ފްރާންސްއާއި، ސުވިޑަން ބައްދަލުކުރާ މެޗަކީ ގިނަ ބައެއްގެ ސަމާލުކަން ހުއްޓިފައިވާ ކުރިމަތިލުމެކެވެ. ނިއުޔޯކް ނިއު ޖާޒީ ސްޓޭޑިއަމްގައި ކުޅެވޭ މި މެޗަކީ ފަރަންސޭސި ކޯޗު ދިދިއޭ ޑެޝޯމްޕްގެ އިރުޝާދުގެ ދަށުން އެ ގައުމުން ކުޅޭ ފަހު މުބާރާތުގެ މުހިންމު މެޗެކެވެ.

ދެ ޓީމު ދެވަނަބުރަށް ދަތުރުކުރުން


ފްރާންސް މި މަރުހަލާއަށް ދަތުރުކުރީ ގްރޫޕް އައިގެ އެއްވަނަ ޓީމުގެ ގޮތުގައެވެ. ސެނެގާލް، އިރާގު އަދި ނޯވޭ ބަލިކޮށް، އެ ޓީމުން ވަނީ ކުޅުނު ތިން މެޗުން ނުވަ ޕޮއިންޓް ހޯދާފައެވެ. މުޅި ގްރޫޕް ސްޓޭޖުގައި 10 ލަނޑު ޖަހާފައިވާއިރު، ބައިކޮޅަށް ވަދެފައިވަނީ އެންމެ ދެ ލަނޑެވެ. ގުރޫޕުގެ ފަހު މެޗުގައި ފްރާންސް ބައްދަލުކުރީ ސްކޮޓްލޭންޑާއެވެ. މި މެޗު އޮސްމާން ޑެމްބެލޭގެ ހެޓްރިކާއެކު ފްރާންސް ނޯވޭ އަތުން މޮޅުވެފައިވަނީ 4-1 އިންނެވެ.

މިއާ ހިލާފަށް ސުވިޑަންގެ ދަތުރު ފެނުނީ ވަރަށް އުނދަގޫކޮށެވެ. ގްރޫޕް ސްޓޭޖުގައި ނެދަލޭންޑްސް އަތުން 5-1 އިން ބަލިވި ނަމަވެސް، ޓިއުނީޝިއާ ބަލިކޮށް އަދި ޖަޕާނާ އެއްވަރުކޮށްގެން އެ ޓީމަށް ޖާގަ ލިބުނީ އެންމެ ރަނގަޅު ތިންވަނަ ޓީމުތަކުގެ ތެރޭގައި ހިމެނިގެންނެވެ. ގްރަހަމް ޕޮޓާގެ އިރުޝާދުގެ ދަށުން ކުޅޭ ސުވިޑަންގެ ޑިފެންސްލައިނަށް ވަނީ ބޮޑެތި ފާޑުކިޔުންތަކެއް އަމާޒުވެފައެވެ.

މައްސަލަތަކާއި އަނިޔާގެ ކަންބޮޑުވުން


މި މެޗަށް ނުކުންނައިރު ދެ ޓީމުގެ ޑިފެންސްލައިނަށް ވެސް ވަނީ ބަދަލުތަކެއް ގެންނަން މަޖުބޫރުވެފައެވެ. ފްރާންސްގެ މުހިންމު ޑިފެންޑަރު ވިލިއަމް ސަލީބާގެ ބުރަކަށީގެ އަނިޔާއެއް ކުރިމަތިވި ނަމަވެސް، އޭނާ މި މެޗުގައި ކުޅޭނެ ކަމަށް ބެލެވެއެވެ. ނަމަވެސް ސުވިޑަންގެ ހާލަތު މިއަށްވުރެ ގޯހެވެ. އެ ޓީމުގެ އިސާކް ހިއެން އަށް އަނިޔާވެފައިވުމުން، މިޑްފީލްޑަރު ވިކްޓަރ ލިންޑެލޯފް ޑިފެންސްލައިނަށް ފަހަތަށް ޖެހެން ވަނީ މަޖުބޫރުވެފައެވެ. މީގެ ސަބަބުން މިޑްފީލްޑުން ފެންނާނެ ކަމަށް ބެލެވެނީ ޒުވާން ކުޅުންތެރިޔާ ލޫކަސް ބާގްވަލް އެވެ.

ޓީމުގެ ރޭވުންތެރިކަން


ފްރާންސްގެ ކުޅުން ބިނާވެފައިވަނީ މެދުތެރެއިން ކުޅުން ކޮންޓްރޯލްކޮށް، މައިކަލް އޮލީސޭ ފަދަ ކުޅުންތެރިން މެދުވެރިކޮށް އެމްބާޕޭއަށް ފުރުސަތުތައް ތަނަވަސްކޮށްދިނުމުގެ މައްޗަށެވެ. ޗުއަމެނީ އާއި ރަބިއޯގެ ޑަބަލް ޕިވަޓްގެ ސަބަބުން އެ ޓީމުގެ ބެލެންސް ވަރުގަދަވެއެވެ.

ސުވިޑަންގެ އޮތް ހަމައެކަނި އުއްމީދަކީ ކައުންޓަރ އެޓޭކް ނުވަތަ ރައްދު ހަމަލާތަކެވެ. އެންތަނީ އެލަންގާގެ ހަލުވި ދުވެއްޔާއި، އެލެގްސެންޑަރ އިސާކް އަދި ވިކްޓަރ ގިޔޮކެރޭސްގެ ހުޝިޔާރުކަން ބޭނުންކޮށްގެން ފަރަންސޭސި ޑިފެންސްލައިނަށް ބާރުބޮޑުކުރުމަކީ ޕޮޓާގެ ޕްލޭނަކަށް ވާނެއެވެ.

ފުޓުބޯޅަ ތާރީޚަށް ބަލާއިރު، ބައިނަލްއަގުވާމީ ފުޓުބޯޅައިގައި ގިނަ ކާމިޔާބީތަކެއް ހޯދާފައިވާ ފްރާންސް އަކީ މި މެޗުގެ ފޭވަރިޓުން ކަމަށްވިޔަސް، ނޮކައުޓް މަރުހަލާގެ އެއް މެޗުން ނަތީޖާ ނެރެންޖެހޭ އުސޫލުގެ ސަބަބުން ސުވިޑަންއަށް ފްރާންސް ގެ މައްޗަށް ކުރިހޯދައި އެ ޓީމު ސިއްސުވާލުމުގެ ފުރުސަތު އެބައޮތެވެ. ނަމަވެސް ފްރާންސް ޓީމުގެ ހުނަރާއި ތަޖުރިބާގެ ކުރިމަތީގައި ސުވިޑަންގެ ބަލިކަށި ޑިފެންސް ހިފަހައްޓާލުމަކީ ބޮޑު ގޮންޖެހުމަކަށް ވާނެއެވެ.

ފްރާންސާއި ސްވިޑެންގެ ތާރީޚީ ކުރިމަތިލުންތައް


ފްރާންސްގެ ގައުމީ ފުޓުބޯޅަ ޓީމާއި ސުވިޑަންގެ ގައުމީ ފުޓުބޯޅަ ޓީމު މިހާތަނަށް ބައިނަލްއަގުވާމީ މައިދާނުގައި 23 ފަހަރު ބައްދަލުކޮށްފައިވެއެވެ. މީގެ ތެރެއިން ގިނަ މެޗުތަކުން ކުރިހޯދާފައިވަނީ ފްރާންސުންނެވެ.

މި ދެ ގައުމުގެ ކުރިމަތިލުންތަކުގެ ތަފާސްހިސާބުތަކަށް ބަލާއިރު، ފްރާންސް އިން 12 މެޗު ކާމިޔާބުކޮށްފައިވާއިރު، ސުވިޑަންއަށް ކާމިޔާބު ކުރެވުނީ 6 މެޗެވެ. އަދި 5 މެޗު އެއްވަރުވެފައިވެއެވެ. ލަނޑުގެ ތަފާތަށް ބަލާއިރު ފްރާންސް 38 ލަނޑު ޖަހާފައިވާއިރު ސުވިޑަންއަށް ޖެހިފައިވަނީ 28 ލަނޑެވެ.

އެންމެ ފަހުން ކުޅުނު 6 މެޗުގެ ތެރެއިން 4 މެޗު ފްރާންސުން ކާމިޔާބުކޮށްފައިވާއިރު، ސުވިޑަންއަށް ކާމިޔާބު ކުރެވުނީ 2 މެޗެވެ. މީގެ ތެރޭގައި ޔޫއެފާ ނޭޝަންސް ލީގާއި ވޯލްޑް ކަޕް ކޮލިފައިންގެ މެޗުތައް ހިމެނެއެވެ. ސްވިޑެންއާއި ފަރާންސް މިރޭގެ މެޗަށް ނުކުންނައިރު، ތާރީޚު ބުރަވަނީ ފަރަންސަށެވެ.

ވޯލްޑް ކަޕް 2026 ގެ ގަދަ 32 ގައި ސްވިޑެނުން ފްރާންސާ ދެކޮޅަށް ނުކުންނާނީ ރާއްޖޭގަޑިން މިރޭ ދަންވަރު 2:00 ގައެވެ.