ބުދަ، 18 ނޮވެމްބަރު 2026
ޚަބަރު

ސައިބާ ކުށްތަކާ ދެކޮޅަށް ފުލުހުން ފެށި ހޭލުންތެރިކަމުގެ ކެމްޕޭން 400 އަށްވުރެ ގިނަ މުވައްޒަފުންނަށް ބާއްވައިފި

ސައިބާ ކުށްތަކާ ދެކޮޅަށް ފުލުހުން ފެށި ހޭލުންތެރިކަމުގެ ކެމްޕޭން 400 އަށްވުރެ ގިނަ މުވައްޒަފުންނަށް ބާއްވައިފި

ޑިޖިޓަލް ޒަމާނުގައި ދިމާވާ އެކި ބާވަތުގެ އޮންލައިން ލަނޑުތަކުންނާއި ސައިބާ ކުށްތަކުން މުޖުތަމައު ރައްކާތެރިކުރުމަށް ފުލުހުން ކުރިއަށްގެންދާ ހޭލުންތެރިކަމުގެ ޕްރޮގްރާމްތަކުގެ ތެރެއިން، އެކި އޮފީސްތަކަށް އަމާޒުކޮށްގެން ބޭއްވި ސެޝަންތަކުގައި ޖުމްލަ 428 މުވައްޒަފުން ބައިވެރިވެ، ތަމްރީނު ހޯދައިފިއެވެ.

ފުލުހުންގެ އިދާރާއިން މައުލޫމާތު ދޭ ގޮތުގައި، މިފަދަ ނުރައްކާތަކުން ސަލާމަތްވުމަށް އޮތް އެންމެ އައްޑަނައަކީ އަދި އެންމެ ވަރުގަދަ ހަތިޔާރަކީ ވެސް އާންމު ފަރުދުންގެ ކިބައިގައި ހުންނަ ހޭލުންތެރިކަމާއި، އިންޓަނެޓް ބޭނުންކުރުމުގައި ދޭ ހާއްސަ ސަމާލުކަމެވެ.

ހާއްސަކޮށް އޮންލައިން ޕްލެޓްފޯމްތައް މެދުވެރިކޮށް ވިޔަފާރީގެ އެކި މުއާމަލާތްތައް ހިންގާއިރުގައާއި ފައިސާ ފޮނުވުމުގައި، އެ ވާހަކަދެއްކޭ ނުވަތަ މުއާމަލާތު ކުރެވޭ ފަރާތަކީ ސައްހަ ފަރާތެއްތޯ ދެނެގަތުމަކީ ކޮންމެހެން ކުރަންޖެހޭނެ ކަމެއް ކަމަށް ފުލުހުން ވަނީ ހަނދާންކޮށްދީފައެވެ.

މީގެ އިތުރުން، އަމިއްލަ ޒާތީ އެއްވެސް މައުލޫމާތެއް ނުވަތަ ބޭންކިންގ އެކައުންޓްތަކުގެ ސިއްރު ތަފްސީލުތައް އެހެން އެއްވެސް ފަރާތަކާ ހިއްސާނުކުރުމަށާއި، މިފަދަ ކަންކަމަށް އަބަދުވެސް ސަމާލުވެ ރައްކާތެރިވެ ތިބުމަށް ފުލުހުންގެ އިދާރާއިން ވަނީ ވަރަށް ބޮޑަށް އިލްތިމާސްކޮށްފައެވެ.