ބުދަ، 18 ނޮވެމްބަރު 2026
ޚަބަރު

ބޮޑުތަކުރުފާނު މަގު ލޯކަލް މާރުކޭޓުން އިއްޒުއްދީން ޖެޓީއާ ހަމައަށް އިތުރު ރުއް އިންދައިފި

ބޮޑުތަކުރުފާނު މަގު ލޯކަލް މާރުކޭޓުން އިއްޒުއްދީން ޖެޓީއާ ހަމައަށް އިތުރު ރުއް އިންދައިފި

މާލޭގެ ބޮޑުތަކުރުފާނު މަގު ފުރިހަމަކޮށް، ތިމާވެށްޓާ ރައްޓެހި ފަރުމާއަކަށް ބަދަލުކުރުމަށް ކުރެވޭ މަސައްކަތުގެ ތެރެއިން ލޯކަލް މާރުކޭޓުން ފެށިގެން އިއްޒުއްދީން ފާލަމާ ހަމައަށް އިތުރު ރުއް އިންދުމުގެ މަސައްކަތް ރޭ ކުރިއަށް ގެންގޮސްފިއެވެ.

އެމްޓީސީސީން ކުރިއަށްގެންދާ މި އިނިޝިއޭޓިވްގެ މައިގަނޑު މަގުސަދަކީ މާލޭގެ އަރިމަތީ މަގުތައް ފެހިކޮށް، ދެމެހެއްޓެނިވި ގޮތެއްގައި ގުދުރަތީ ރީތިކަން އާލާކުރުމާއެކު ދިވެހިންގެ ސަގާފީ އަދި ގައުމީ ހުވިއްޔަތާ ގުޅިފައިވާ ގުދުރަތީ ތަރިކަ ރައްކާތެރިކުރުމެވެ.

މި މަޝްރޫއުގެ ދަށުން ބޮޑުތަކުރުފާނު މަގުގެ އެކި ސަރަހައްދުތަކުގައި ބޮޑެތި ރުއްތައް އިންދައި، މަގުމަތީގެ މާހައުލު ފިނިކޮށް، ހިތްފަސޭހަ ކުރުމަށް ގިނަ މަސައްކަތްތަކެއް ދަނީ ކުރެވެމުންނެވެ.

މާލެ ސިޓީގެ މަގުތައް ހިތްފަސޭހަ އަދި ތިމާވެށްޓާ ރައްޓެހި ތަނަކަށް ހެދުމަށްޓަކައި އެމްޓީސީސީން ދަނީ ކަމާބެހޭ އިދާރާތަކާ ގުޅިގެން ވެރިރަށް ފެހިކުރުމުގެ އެކި މަޝްރޫއުތައް ހިންގަމުންނެވެ.