ވަޢުދުތައް 2028 އަށް ފުއްދަވާނެކަމުގެ ޔަޤީންކަން ރައީސް ދެއްވައިފި
ސަރުކާރުން ކުރިއަށްގެންދާ ތަރައްޤީގެ މަޝްރޫޢުތައް ދެ ބަޔަކަށް ބަހާލައިގެން ތަންފީޒުކުރަމުންދާއިރު، ރައްޔިތުންނަށް ވެވަޑައިގެންފައިވާ ހުރިހާ ވަޢުދުތަކެއް 2028 ވަނަ އަހަރުގެ ދެވަނަ ކުއާޓަރާ ހަމައަށް ފުރިހަމައަށް ހާސިލުކުރައްވާނެކަމުގެ ފުރިހަމަ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.
ރައީސް މުޢިއްޒު ފާހަގަކުރެއްވި ގޮތުގައި ސަރުކާރުގެ މަޝްރޫޢުތައް ކުރިއަށްދަނީ ހުރިހާ ރަށަކަށް އާންމުކޮށް ހުޅުވާލެވިގެން ހިންގާ މަސައްކަތްތަކުގެ އިތުރުން، ވަކިވަކި ރަށްރަށުގެ ރައްޔިތުންނަށް ޚާއްޞަކޮށްގެން ވެވަޑައިގެންފައިވާ ވަޢުދުތަކުގެ ދަށުންނެވެ. އަދި ސަރުކާރުގެ ޕްލޭނާއި ޕްރޮގްރާމްތައް ރޭވިފައިވާ ގޮތަށް ބަރާބަރަށް ތަންފީޒުވަމުންދާކަން އެމަނިކުފާނު ފާހަގަކުރެއްވިއެވެ.
މިނިވަން ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރައީސް ވަނީ ވޭތުވެދިޔަ ސަރުކާރުތަކާ އަޅާބަލާއިރު މި ސަރުކާރުން ހޯދާފައިވާ ކުރިއެރުންތަކުގެ ތަފާސްހިސާބުތައް ހިއްސާކުރައްވާފައެވެ. އެގޮތުން މި ސަރުކާރުގެ ފުރަތަމަ 2 އަހަރާއި 8 މަސްދުވަހުގެ ތެރޭގައި ތަފާތު ދާއިރާތަކުން 590 މަޝްރޫޢެއް ނިންމާފައިވާކަން އެމަނިކުފާނު ފާހަގަކުރެއްވިއެވެ.
Ads by BMLމިއީ ނިމިދިޔަ އެމްޑީޕީ ސަރުކާރުގެ އެ މުއްދަތުގައި ނިންމުނު 285 މަޝްރޫޢާއި، އޭގެ ކުރީ ސަރުކާރުން ނިންމި 321 މަޝްރޫޢަށްވުރެ އިތުރު އަދަދެކެވެ.
މީގެ އިތުރުންވެސް މިހާރު އިތުރު 1635 މަޝްރޫޢެއްގެ މަސައްކަތް ހުއްޓުމެއްނެތި ކުރިއަށްދާކަމަށް ރައީސުލްޖުމްހޫރިއްޔާ ވިދާޅުވިއެވެ.
Ads by MACL
