ބުދަ، 18 ނޮވެމްބަރު 2026
ޚަބަރު

ގެއްލުނު ތިން މީހުން ހޯދަން ވަޔާއި ކަނޑުމަގުން އަސްކަރިއްޔާއިން ވަރުގަދަ އޮޕަރޭޝަނެއް ފަށައިފި

ތ. އަތޮޅުން ފުރައިގެން ހުވަދު އަތޮޅަށް ދަތުރުކުރަމުން ދިޔަ "ފްރެންޓް-4" ދޯނި އަޑިއަށް ދިޔަ ހާދިސާ، --- ފޮޓޯ:: އެމްއެންޑީއެފް
ތ. އަތޮޅުން ފުރައިގެން ހުވަދު އަތޮޅަށް ދަތުރުކުރަމުން ދިޔަ "ފްރެންޓް-4" ދޯނި އަޑިއަށް ދިޔަ ހާދިސާ، --- ފޮޓޯ:: އެމްއެންޑީއެފް
މާލެއިން ތ. އަތޮޅަށް ފުރައިގެން ހުވަދު އަތޮޅަށް ދަތުރުކުރަނިކޮށް އަޑިއަށް ދިޔަ "ފްރެންޓް-4" ދޯނިން ގެއްލުނު ތިން މީހުން ހޯދުމުގެ މަސައްކަތް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ވަޔާއި ކަނޑުމަގުން ވަރަށް ފުޅާ ދާއިރާއެއްގައި ކުރިއަށް އެބައެންދެއެވެ.
މިދިޔަ ބުދަ ދުވަހުގެ ރޭ ހިނގި މި ނުރައްކާތެރި ހާދިސާގައި ގެއްލިގެން ހޯދަމުންދަނީ އުމުރުން 33 އަހަރުގެ ޕޮލިސް ސާޖަންޓު ޢަލީ ނާފިޢު އާއި، އެމްއެންޑީއެފްގެ ސްޓާފް ސާޖަންޓް އުމުރުން 39 އަހަރުގެ އިބްރާހީމް އަޙްމަދު ގެ އިތުރުން، އެ ދޯނީގެ ކެޕްޓަން ތ. މަޑިފުށި، ދޮންވެލި، އުމުރުން 35 އަހަރުގެ މުޙައްމަދު ޙަމްދޫންއެވެ.
މި ތިން މީހުން ގެއްލެން މެދުވެރިވީ ދޯނި އަޑިއަށް ދާން ފެށި ވަގުތު އޭގައި ތިބި އެހެން މީހުން ސަލާމަތްކުރުމުގެ މަސައްކަތުގެ ތެރޭގައި ކަމަށް އެމްއެންޑީއެފްއިން މައުލޫމާތު ދެއެވެ.
ވައިގެ މަގުން މީހުން ހޯދުމުގެ އޮޕަރޭޝަންގައި މޯލްޑިވިއަންގެ މަތިންދާބޯޓުގެ އިތުރުން އެމްއެންޑީއެފް އެއަރ ކޯރގެ ޔޫއޭވީ ޑްރޯން ބޭނުންކޮށްގެން 881 އަކަ ނޯޓިކަލް މޭލުގެ ބޮޑު ސަރަޙައްދެއް މިހާރު ވަނީ ބަލައި ފާސްކޮށްފައެވެ.
އޭގެ އިތުރުން ކަނޑުމަގުން ކޯސްޓްގާޑް ޝިޕް އިމާދުއްދީނާއި، ފާސްޓް އިންޓަރސެޕްޓަރ ކްރާފްޓްތަކާއި، ސީއެމްބިއުލޭންސްތަކުގެ އިތުރުން ފުލުހުންގެ ލޯންޗު ބޭނުންކޮށްގެން 310.10 އަކަ ނޯޓިކަލް މޭލުގެ ސަރަޙައްދެއް ވަނީ ބަލާފައެވެ.
ހިލައާއި ހިލަވެލި ބަރުކޮށްގެން ޖުމްލަ އަށް މީހުންނާއެކު ދަތުރުކުރި މި ސަޕްލައި ދޯނި ދިޔަވެ އަޑިއަށްދާ ކަމުގެ ރިޕޯޓް ފުލުހުންނަށް ލިބިފައިވަނީ ބުދަ ދުވަހުގެ ރޭ 10:40 އެހައިކަންހާއިރުއެވެ.
ދޯނީގައި ތިބި އަށް މީހުންގެ ތެރެއިން ހަތް މީހަކު ކަނޑުވެފައިވަނިކޮށް ސަލާމަތްކުރެވުނު ނަމަވެސް، ގެއްލުނު ތިން މީހުން ހޯދުމަށް މިހާތަނަށް ކުރެވުނު މަސައްކަތުން އަދި އެއްވެސް ނިޝާނެއް ފެނިފައިނުވާ ކަމަށް ސިފައިން ބުނެއެވެ.