ފެންވަރު ރަނގަޅު ބޭސް އެތެރެކުރުމަށް އެޗްޕީއެލްއާއެކު ސްޓޭޓް ފާމާއިން އެއްބަސްވުމެއްގައި ސޮއިކޮށްފި
ރާއްޖޭގެ ސިއްހީ ނިޒާމު އިތުރަށް ހަރުދަނާކޮށް، އެކި ސަރަހައްދުތަކަށް ބޭނުންވާ ފެންވަރު ރަނގަޅު ބޭސް ފަސޭހަކަމާއެކު ފޯރުކޮށްދިނުމުގެ މަގުފަހިކުރުމުގެ ގޮތުން، ދުނިޔޭގެ މަޝްހޫރު ފާމަސިއުޓިކަލް ކުންފުންޏެއް ކަމަށްވާ އެޗްޕީއެލްއާއެކު ސްޓޭޓް ފާމަސޫޓިކަލް ކުންފުނިން މިއަދު ހާއްސަ އެއްބަސްވުމެއްގައި ސޮއިކޮށްފިއެވެ۔
މި އެއްބަސްވުމުގެ މައިގަނޑު މަގުސަދަކީ ރާއްޖެއަށް ބޭނުންވާ މުހިންމު ބޭސްތައް މެދުކެނޑުމެއްނެތި ސަޕްލައިކޮށްދީ، ބޭސް ފޯރުކޮށްދިނުމުގެ ނިޒާމަށް އިންގިލާބީ ބަދަލެއް ގެނެސް އިތުރަށް ހަރުދަނާކުރުން ކަމަށް ސްޓޭޓް ފާމާއިން މައުލޫމާތު ދެއެވެ.
އެ ކުންފުނިން ފާހަގަކުރި ގޮތުގައި، މި ބައިނަލްއަގުވާމީ ކުންފުންޏާއެކު ވެވުނު އެއްބަސްވުމުގެ ސަބަބުން ސްޓޭޓް ފާމާގެ ސަޕްލަޔަރުންގެ ވިއުގަ ވަރުގަދަވެ، ރާއްޖޭގެ ބޭހުގެ ސަޕްލައި ޗެއިން މަރުހަލާތަކަށް ބޮޑު ކުރިއެރުމެއް ލިބިގެންދާނެއެވެ.
Ads by BMLއަދި މިއީ އަސާސީ ބޭސްތައް ރައްޔިތުންނަށް ދަތިކަމެއްނެތި ފޯރުކޮށްދިނުމަށާއި، ރަނގަޅު ފެންވަރުގެ ފާމަސޫޓިކަލް އުފެއްދުންތައް ރާއްޖޭގެ މާކެޓަށް ތައާރަފުކުރުމަށް އެ ކުންފުނިން ކުރަމުންދާ މަސައްކަތަށް ލިބުނު މުހިންމު ސުރުޚީއެއް ކަމަށްވެސް ބުނެފައިވެއެވެ.
މިއަދު އެއްބަސްވުން ގާއިމުކުރެވުނު އެޗްޕީއެލްއަކީ ދުނިޔޭގެ ބާޒާރުގައި ބޮޑު އިތުބާރެއް ހޯދާފައިވާ ކުންފުންޏެކެވެ. އެގޮތުން ޔޫރަޕް، އޭޝިއާ، އެފްރިކާ އަދި އެމެރިކާ ސްކްރިޕްޓް އޮރިއެންޓެޑް ސަރަހައްދުތައް ހިމެނޭހެން ދުނިޔޭގެ 32 އަށްވުރެ ގިނަ ގައުމަށް އެ ކުންފުނީގެ އުފެއްދުންތައް މިހާރުވެސް ފުޅާދާއިރާއެއްގައި އެކްސްޕޯޓް ކުރަމުންދެއެވެ.
Ads by MACL
