ބުދަ، 18 ނޮވެމްބަރު 2026
ޚަބަރު

ލ. މާވަށު ބިން ހިއްކުމުގެ ފުރަތަމަ ފިޔަވަހީގެ މަސައްކަތް އެމްޓީސީސީން ނިންމާލައިފި

ލ. މާވަށު ބިން ހިއްކުމުގެ ފުރަތަމަ ފިޔަވަހީގެ މަސައްކަތް އެމްޓީސީސީން ނިންމާލައިފި

ލ. މާވަށުގެ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން، ބިން ހިއްކުމުގެ ފުރަތަމަ ފިޔަވަހީގެ މަސައްކަތްތައް ކާމިޔާބުކަމާއެކު ނިންމާލާފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢަކީ މާވަށަށް ދިމާވެފައިވާ ބިމުގެ ދަތިކަމަށް ދާއިމީ ހައްލެއް ހޯދައިދީ، ރަށުގެ އިޤްތިޞާދީ އަދި އިޖުތިމާޢީ ތަރައްޤީ ފުޅާކުރުމުގެ މަޤްޞަދުގައި ކުރިއަށްގެންދާ މުހިންމު މަޝްރޫޢެކެވެ.

މި މަޝްރޫޢުގެ ދަށުން ޖުމްލަ 30 ހެކްޓަރުގެ ބިން ހިއްކުމަށް ހަމަޖެހިފައިވާއިރު، ހިއްކާ ސަރަޙައްދު ހިމާޔަތްކުރުމުގެ ގޮތުން 1،416 މީޓަރުގެ ބޮޑުހިލައިގެ ރިވެޓްމެންޓް ޖެހުމާއި، 294 މީޓަރުގެ ސަރަޙައްދެއްގައި ޖިއޯޓިއުބް ރިވެޓްމެންޓް ޤާއިމުކުރުން ހިމެނެއެވެ.

ދަގަނޑު ކޮނުމާއި ބިން ހިއްކުމުގެ ބޮޑު އޮޕަރޭޝަނެއް ހިމެނޭ މި މަޝްރޫޢަކީ ގާތްގަނޑަކަށް 100 އެއްހާ މިލިއަން ރުފިޔާގެ ބަޖެޓަކުން ސަރުކާރުން ކުރިއަށްގެންދާ މަޝްރޫޢެކެވެ.

ފުރަތަމަ ފިޔަވަހީގެ މަސައްކަތް ނިމުމާއެކު، ބާކީ ހުރި މަސައްކަތްތަކާއި ގޮނޑުދޮށް ހިމާޔަތްކުރުމުގެ އަމަލީ މަސައްކަތްތައް ވެސް ތާވަލާ އެއްގޮތަށް ބާރަށް ކުރިއަށްދާނެ ކަމަށް އެ ކުންފުނިން މަޢުލޫމާތުދެއެވެ.