އަތޮޅުތަކުން: އެމްޓީސީސީއާއި ހަވާލުކޮށްގެން ކުރިއަށްދާ އދ. ދިއްދޫ ސިއްޙީ މަރުކަޒު އަޕްގްރޭޑްކުރުމުގެ މަޝްރޫޢުގެ ފައުންޑޭޝަން ބީމް އެޅުމުގެ މަސައްކަތް ކުރިއަށް
އދ. ދިއްދޫ ސިއްޙީ މަރުކަޒު ފެންވަރު ރަނގަޅުކޮށް އަޕްގްރޭޑް ކުރުމަށް ކުރިއަށްގެންދާ މަޝްރޫޢުގެ ދަށުން، އެ އިމާރާތުގެ ފައުންޑޭޝަން ބީމް އެޅުމުގެ މަސައްކަތް މިހާރު ކުރިއަށްދާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.
"ރައްޔިތުންގެ ކުންފުނި" ކަމަށްވާ އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢަކީ ދިއްދޫގެ ރައްޔިތުންނަށް ދެމުންގެންދާ ސިއްޙީ ޚިދުމަތްތަކުގެ ފެންވަރު މަތިކޮށް، ރަށުގައި ތިބެގެން ލުއިފަސޭހަކަމާއެކު ފަރުވާ ހޯދޭނެ މަގު ތަނަވަސްކޮށްދިނުމުގެ މަޤްޞަދުގައި ކުރިއަށްގެންދާ މުހިންމު މަޝްރޫޢެކެވެ. ޤައުމު ބިނާކުރުމުގައި މުހިންމު ދައުރެއް އަދާކުރަމުން އަންނަ އެމްޓީސީސީން އަންނަނީ ރާއްޖޭގެ އެކި ކަންކޮޅުތަކުގައި މިފަދަ ގިނަ އުމްރާނީ ތަރައްޤީގެ މަޝްރޫޢުތަކެއް އެ ކުންފުނީގެ މުރާލި ޓީމުގެ އެހީތެރިކަމާއެކު ހަލުވިކަމާއެކު ހިންގަމުންނެވެ.
އެމްޓީސީސީން ހިންގަމުންދާ މިފަދަ ތަރައްޤީގެ އެކި މަޝްރޫޢުތަކުގެ އެންމެ ފަހުގެ މަޢުލޫމާތުތަކާއި އަޕްޑޭޓްތައް އެ ކުންފުނީގެ ޕްރޮޖެކްޓް ވެބްސައިޓް ކަމަށްވާ މެދުވެރިކޮށް އާންމުންނަށް ފެންނަން ހުންނާނެކަމަށް އެ ކުންފުނިން ވަނީ މަޢުލޫމާތުދީފައެވެ.
Ads by BML
Ads by MACL
