އަތޮޅުތަކުން: އެމްޓީސީސީއާއި ހަވާލުކޮށްގެން ކުރިއަށް ގެންދާ ޅޮހީ ޕޮލިސް ޕޯސްޓްގެ ފައުންޑޭޝަން ކޮންކްރީޓް މަސައްކަތްތައް ބާރަށް ކުރިއަށް
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ކުރިއަށްގެންދާ ނ. ޅޮހީ ޕޮލިސް ޕޯސްޓް ތަރައްޤީކުރުމުގެ މަޝްރޫޢުގެ މަސައްކަތްތައް ބާރަށް ކުރިއަށްދާ ކަމަށް އެ ކުންފުނިން ހާމަކޮށްފިއެވެ.
އެމްޓީސީސީން އެންމެ ފަހުން ހާމަކުރި މަޝްރޫޢުގެ އަދާހަމަ މަޢުލޫމާތުގައި ބަޔާންކޮށްފައިވާ ގޮތުގައި، މިވަގުތު ސައިޓުގައި ކުރިއަށްދަނީ އިމާރާތުގެ ފައުންޑޭޝަން އެޅުމަށް ބޭނުންވާ ކޮންކްރީޓް މަސައްކަތްތަކެވެ.
ރާއްޖޭގެ އެކި ކަންކޮޅުތަކުގައި އަމަންއަމާންކަން ޤާއިމުކޮށް، ފުލުހުންގެ ޚިދުމަތް ރަށްރަށަށް ފުޅާކުރުމަށް ސަރުކާރުން ކުރިއަށްގެންދާ ސިޔާސަތުގެ ދަށުން ޅޮހީގައި ޤާއިމުކުރާ މި ޕޮލިސް ޕޯސްޓަކީ އެ ރަށުގެ ރައްޔިތުންނަށް އަމާން އަދި ރައްކާތެރި މާޙައުލެއް ކަށަވަރުކޮށްދިނުމަށް އެޅޭ މުހިންމު ފިޔަވަޅެކެވެ.
Ads by BMLމި މަޝްރޫޢާ ގުޅޭ އިތުރު މަޢުލޫމާތާއި މަސައްކަތް ކުރިއަށްދާ މިންވަރުގެ ތަފްޞީލު އެމްޓީސީސީގެ މަޝްރޫޢުތަކަށް ޚާއްޞަ ވެބްސައިޓް މެދުވެރިކޮށް ބަލައިލެވޭނެއެވެ. ޤައުމު ބިނާކުރުމުގެ ގިނަ މަޝްރޫޢުތަކެއް ހިންގަމުން އަންނަ ރައްޔިތުންގެ ކުންފުނި، އެމްޓީސީސީން އަންނަނީ ރާއްޖޭގެ އެކި ރަށްރަށުގައި ޢުމްރާނީ ތަރައްޤީގެ ގިނަ މަސައްކަތްތަކެއް ކާމިޔާބުކަމާއެކު ނިންމަމުންނެވެ.
Ads by MACL
