ބުދަ، 18 ނޮވެމްބަރު 2026
ޚަބަރު

އަތޮޅުތަކުން: ގއ. ދެއްވަދޫ ފުޓްބޯޅަ ދަނޑު ތަރައްޤީކުރުމުގެ މަސައްކަތް ބާރަށް ކުރިއަށް

އަތޮޅުތަކުން: ގއ. ދެއްވަދޫ ފުޓްބޯޅަ ދަނޑު ތަރައްޤީކުރުމުގެ މަސައްކަތް ބާރަށް ކުރިއަށް

ގއ. ދެއްވަދޫގައި ތަރައްޤީކުރަމުން އަންނަ ފުޓްބޯޅަ ދަނޑުގެ މަޝްރޫޢުގެ މަސައްކަތްތައް ބާރު ސްޕީޑެއްގައި ކުރިއަށްދާ ކަމަށް އެ މަޝްރޫޢު ކުރިއަށްގެންދާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

ރާއްޖޭގެ އެކި ކަންކޮޅުތަކުގައި ކުޅިވަރުގެ ވަސީލަތްތައް ޤާއިމުކުރުމަށް ސަރުކާރުން ކުރިއަށްގެންދާ ސިޔާސަތުގެ ދަށުން ކުރިއަށްގެންދާ މި މަޝްރޫޢުގެ އެންމެ ފަހުގެ މަޢުލޫމާތު ހިއްސާކުރަމުން އެމްޓީސީސީން ބުނީ، ދެއްވަދޫ ފުޓްބޯޅަ ދަނޑުގެ ވަށާފާރުގެ ފެންސް ޖެހުމުގެ މަސައްކަތާއި، ދަނޑުގައި ޖަހާ ލައިޓް ޕޯސްޓްތަކުގެ ފައުންޑޭޝަން އެޅުމުގެ މަސައްކަތްތައް މިހާރު ތާވަލާ އެއްގޮތަށް ކުރިއަށްދާ ކަމަށެވެ.

ދެއްވަދޫ ޒުވާނުންނަށް ޒަމާނީ ފެންވަރުގެ ފުޓްބޯޅަ ދަނޑެއް ތަރައްޤީކޮށްދިނުމުގެ ގޮތުން ކުރިއަށްގެންދާ މި މަޝްރޫޢުގެ ދަށުން ދަނޑުގެ ސަބްބޭސް ތައްޔާރުކުރުމާއި، ޓާފް އެޅުމުގެ އިތުރުން ފެން ހިންދާ ނިޒާމާއި، ރޭގަނޑު ކުޅެވޭނެ ގޮތަށް ލައިޓިންގ ސިސްޓަމް ޤާއިމުކުރުން ހިމެނެއެވެ.

އެމްޓީސީސީން ހާމަކުރި ގޮތުގައި އެ ކުންފުނީގެ އަމާޒަކީ ދެއްވަދޫގެ ރައްޔިތުންނާއި ޒުވާނުން އެތައް ދުވަހެއް ވަންދެން އިންތިޒާރުކުރަމުން އައި މި މުހިންމު މަޝްރޫޢުގެ ހުރިހާ މަސައްކަތްތަކެއް ފެންވަރު ރަނގަޅުކޮށް ވީހާވެސް އަވަހަކަށް ނިންމައި ރައްޔިތުންނާ ހަވާލުކުރުމެވެ.

ކުންފުނިން ކުރިއަށްގެންދާ މިފަދަ ތަރައްޤީގެ އެކި މަޝްރޫޢުތަކުގެ އެންމެ ފަހުގެ ތަފްސީލީ މަޢުލޫމާތުތައް އެމްޓީސީސީގެ ޕްރޮޖެކްޓްސް ޕޯޓަލް މެދުވެރިކޮށް ބަލައިލެވޭނެ ކަމަށް ވެސް އެ ކުންފުނިން ވަނީ ބުނެފައެވެ.