އަތޮޅުތަކުން: ހިތަދޫގައި އަޅާ ރީޖަނަލް އިމަޖެންސީ އޮޕަރޭޝަން ސެންޓަރުގެ ފުރާޅު ސްލެބް ކޮންކްރީޓް މަސައްކަތް ނިމިއްޖެ
ސ. ހިތަދޫގައި ތަރައްގީކުރަމުން އަންނަ ރީޖަނަލް އިމަޖެންސީ އޮޕަރޭޝަން ސެންޓަރުގެ އިމާރާތުގެ ފުރާޅު ލެވެލްގެ ސްލެބް އަދި ބީމްތަކުގެ ކޮންކްރީޓް މަސައްކަތްތައް އެއްކޮށް ނިންމާލައިފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާމަކޮށްފައިވާ ގޮތުގައި، މި މަޝްރޫއުގެ ދަށުން މިހާރު ސައިޓުގައި ކުރިއަށްދަނީ ރޭމްޕްގެ ޝަޓަރިންގ އެޅުމާއި ދަގަނޑު ބަނުމުގެ (ރީއިންފޯސްމަންޓް) މަސައްކަތްތަކެވެ.
ނޭޝަނަލް ޑިޒާސްޓާ މެネジްމަންޓް އޮތޯރިޓީ (އެންޑީއެމްއޭ) ގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ކާރިސާތަކާއި ކުއްލި ނުރައްކަލުގެ ހާލަތްތަކުގައި ދެކުނުގެ އަތޮޅުތަކަށް އަވަސް އެހީތެރިކަން ފޯރުކޮށްދިނުމާއި އޮޕަރޭޝަންތައް ވިލަރެސްކުރުމުގެ ގާބިލުކަން އިތުރުކުރުމަށްޓަކައި ކުރިއަށްގެންދާ މުހިންމު މަޝްރޫއެކެވެ.
Ads by BMLމި އިމާރާތް ނިމި ބޭނުންކުރަން ފެށުމުން، ކާރިސާތަކުން ރައްކާތެރިވުމަށާއި ކުއްލި ހާލަތްތަކުގައި ހަރަކާތްތެރިވާ އިދާރާތައް ގުޅިގެން މަސައްކަތްކުރުމަށް ބޭނުންވާ ޒަމާނީ ވަސީލަތްތައް އެ ސަރަހައްދުގައި ގާއިމުވެގެންދާނެއެވެ.
އެމްޓީސީސީން އަންނަނީ މަޝްރޫއުގެ ހުރިހާ މަސައްކަތްތަކެއްވެސް ކަނޑައެޅިފައިވާ ތާވަލާ އެއްގޮތަށް ބާރަށް ކުރިއަށް ގެންދަމުންނެވެ.
Ads by MACL
