ބުދަ، 18 ނޮވެމްބަރު 2026
ޚަބަރު

މެލޭޝިއާގައި ހިނގި ނުރައްކާތެރި އެކްސިޑެންޓެއްގައި ދިވެހި ދަރިވަރަކު ނިޔާވެއްޖެ

މެލޭޝިއާގައި ހިނގި ނުރައްކާތެރި އެކްސިޑެންޓެއްގައި ދިވެހި ދަރިވަރަކު ނިޔާވެއްޖެ

މެލޭޝިއާގައި ހިނގި ނުރައްކާތެރި ކާރު އެކްސިޑެންޓެއްގައި ދިވެހި އަންހެން ދަރިވަރަކު ނިޔާވެއްޖެއެވެ.

މި ހާދިސާގައި ނިޔާވެފައިވަނީ މެލޭޝިއާގެ ޓެއިލާސް ޔުނިވަސިޓީގައި ތައުލީމު ހާސިލުކުރަމުން އަންނަ އުމުރުން އެކާވީސް އަހަރުގެ އިމީލިއާ ނާޒިމެވެ. އޭނާއަކީ އައްޑޫ ސިޓީ ހިތަދޫއަށް އުފަން ދަރިވަރެކެވެ.

މި އެކްސިޑެންޓު ހިނގާފައިވަނީ ވިޔަފާރި ކުރުމަށްފަހު ރައްޓެއްސަކާއެކު ޕުޗޮންގަށް ދިއުމަށް ދަތުރުކުރި މަގުމަތީގައެވެ. ދެ ކާރު ޖެހިގެން ހިނގި މި ހާދިސާއަށްފަހު، އޭނާ ހޮސްޕިޓަލަށް ގެންގޮސްފައިވަނީ ޕުޗޮންގުގެ ހޮސްޕިޓަލަކަށެވެ.

މި އެކްސިޑެންޓު ހިނގިއިރު އިމީލިއާއާއެކު އިތުރު ދަރިވަރެއްވެސް ކާރުގައި އިނެވެ. އެ ކުއްޖާގެ ހާލުވެސް ސީރިއަސް ކަމަށް މައުލޫމާތު ލިބިފައިވެއެވެ. މި ހިތާމަވެރި ހާދިސާއާ ގުޅިގެން ދިވެހި ގިނަ ބަޔަކު އަންނަނީ ކަންބޮޑުވުން ފާޅުކޮށް، އާއިލާއަށް ތަޢުޒިޔާ ކިޔަމުންނެވެ.