ބުދަ، 18 ނޮވެމްބަރު 2026
ޚަބަރު

އަތޮޅުތަކުން: ފ. ފީއަލީ ފުޓްސަލް ދަނޑު ތަރައްޤީކުރުމުގެ މަޝްރޫޢު ކުރިއަށްދަނީ

އަތޮޅުތަކުން: ފ. ފީއަލީ ފުޓްސަލް ދަނޑު ތަރައްޤީކުރުމުގެ މަޝްރޫޢު ކުރިއަށްދަނީ

ފ. ފީއަލީގައި ތަރައްޤީކުރާ ފުޓްސަލް ދަނޑުގެ މަޝްރޫޢުގެ ދަށުން، ސައިޓުގައި ވެލިއެޅުމާއި ބިން އެއްވަރުކުރުމުގެ މަސައްކަތްތައް މިހާރު ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

ރައްޔިތުންގެ ކުންފުނީގެ ނަމުން މަޝްހޫރުވެފައިވާ އެމްޓީސީސީން ކުރިއަށްގެންދާ މި މަޝްރޫޢަކީ ފީއަލީގެ ޒުވާނުންނަށް ކުޅިވަރުގެ ފުރުޞަތުތައް ފަހިކޮށްދިނުމަށާއި، ރަށުގެ އިޖުތިމާޢީ އަދި ކުޅިވަރުގެ ވަސީލަތްތައް ތަރައްޤީކުރުމުގެ މަޤްޞަދުގައި ކުރިއަށްގެންދާ މުހިންމު މަޝްރޫޢެކެވެ.

މި މަޝްރޫޢުގެ ސައިޓުގައި ވެލިއެޅުމުގެ މަސައްކަތާއި، ދަނޑުގެ ބިން އެއްވަރުކުރުމުގެ މަސައްކަތްތައް ބާރަށް ކުރިއަށްދާއިރު، މި މަސައްކަތްތައް ނިމުމާއެކު ދަނޑު ތަރައްޤީކުރުމުގެ އިތުރު ޢަމަލީ މަސައްކަތްތަކަށް މަގުފަހިވެގެންދާނެއެވެ.

ޤައުމު ބިނާކުރުމުގެ ތަފާތު މަޝްރޫޢުތައް ހިންގަމުންދާ އެމްޓީސީސީގެ މަޝްރޫޢުތަކާ ބެހޭ އިތުރު އަދާހަމަތަކާއި މަޢުލޫމާތު ވެބްސައިޓް މެދުވެރިކޮށް ބައްލަވާލެއްވޭނެއެވެ.