ބުދަ، 18 ނޮވެމްބަރު 2026
ޚަބަރު

ދިގުފެތުމުގެ މުބާރާތުގެ ސެކިއުރިޓީ އެމްއެންޑީއެފުން ބަލަހައްޓައިފި

 ދިގުފެތުމުގެ މުބާރާތުގެ ތެރެއިން / ފޮޓޯ: އެމްއެންޑީއެފް
ދިގުފެތުމުގެ މުބާރާތުގެ ތެރެއިން / ފޮޓޯ: އެމްއެންޑީއެފް

ދިވެހިރާއްޖޭގެ ފެތުމުގެ ކުޅިވަރުތަކުގެ ޤައުމީ ޖަމިއްޔާއިން އިންތިޒާމްކޮށްގެން ބޭއްވި 17 ވަނަ ޤައުމީ ދިގުފެތުމުގެ މުބާރާތުގެ ސަލާމަތީ ކަންކަން ބެލެހެއްޓުމުގައި އެމްއެންޑީއެފް މާލޭ އޭރިއާ ކޮމާންޑުން އިސްވެ އެހީތެރިކަން ފޯރުކޮށްދީފިއެވެ.

މި މަހުގެ 9 އިން 10 އަށް ކުޑަގިރި އައިލެންޑް ރިސޯޓުގައި ކުރިއަށްދިޔަ މި މުބާރާތުގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން، އެމްއެންޑީއެފްގެ ޚާއްޞަ ޓީމުތަކުން ވަނީ އެ ސަރަޙައްދުގައި ހަރަކާތްތެރިވެފައެވެ. އެގޮތުން މުބާރާތުގެ ބައިވެރިންގެ ރައްކާތެރިކަމަށްޓަކައި ޑައިވަރުންނާއި ސީ-އެމްބިއުލާންސްގެ ޚިދުމަތް އެ ސަރަޙައްދުގައި ވަނީ ޤާއިމުކޮށްފައެވެ.

މި ހަރަކާތުގައި މާލޭ އޭރިއާ ކޮމާންޑްގެ ކޯސްޓްގާޑް ސެކަންޑް ސްކޮޑްރަންގެ ފާސްޓް އިންޓަރސެޕްޓަރ ކްރާފްޓް "ހަކުރާ" ގެ އިތުރުން ކޯސްޓްގާޑުގެ ޑައިވަރުން ވަނީ ޢަމަލީ ގޮތުން ސެކިއުރިޓީ ބެލެހެއްޓުމުގައި ބައިވެރިވެފައެވެ.