ރިސޯޓެއްގެ މޫދަށް އެރި އުޅެނިކޮށް ގެނބުނު ޗައިނާގެ ދެ ފަތުރުވެރިއަކަށް ހޮސްޕިޓަލްގައި ފަރުވާދެނީ
ކ. އަތޮޅުގައި ހިންގާ ރިސޯޓެއްގެ މޫދަށް އެރި އުޅެނިކޮށް ގެނބިގެން ޗައިނާގެ ދެ ފަތުރުވެރިން ހުޅުމާލޭގެ ޓްރީޓޮޕް ހޮސްޕިޓަލަށް ގެންގޮސް ފަރުވާދެމުންދާކަމަށާއި، އެމީހުންގެ ހާލު މިހާރު ރަނގަޅުކަމަށް ފުލުހުން ބުނެފިއެވެ.
މިއަދު ހިނގި މި ހާދިސާގައި މޫދަށް އެރި އުޅެނިކޮށް ގެނބިފައިވަނީ އުމުރުން 28 އަހަރުގެ ޗައިނާ ފިރިހެނަކާއި 29 އަހަރުގެ ޗައިނާ އަންހެނެކެވެ.
މި ދެ މީހުން މޫދަށް އެރި އުޅެނިކޮށް ގެނބެން ފެށުމާއެކު ވަގުތުން ވަނީ ސަލާމަތްކޮށް، އިތުރު ފަރުވާއަށް ހުޅުމާލެއަށް ގެންގޮސް ޓްރީޓޮޕް ހޮސްޕިޓަލަށް އެތުލޫތުކޮށްފައެވެ.
Ads by BMLފުލުހުން މައުލޫމާތު ދޭ ގޮތުގައި ހޮސްޕިޓަލުގައި ފަރުވާ ދެމުންދާ އިރު، އެ ދެ ފަތުރުވެރިންގެ ހާލަތުވެސް މިހާރު ސީރިއަސްއެއް ނޫނެވެ.
މި ހާދިސާ ހިނގަން މެދުވެރިވި ސަބަބާއި، ހާދިސާއާ ގުޅިގެން ބަލަންޖެހޭ އިތުރު ކަންކަން ފުލުހުން ދަނީ އިތުރަށް ތަހުގީގު ކުރަމުންނެވެ.
Ads by MACL
