ގުޅީ ބަނދަރުގެ އާ ބާބެއް: އެއްގަމުތޮށީގެ ބްލޮކްތަކާއެކު މަސައްކަތް ބާރުސްޕީޑުގައި!
މޯލްޑިވްސް ޓ ްރާންސްޕޯޓް އެންޑް ކޮންޓްރެކްޓ ިންގ ކޮމްޕެނީ (އެމްޓީސީސ ީ) އިން ކ. ގުޅީގައި ކުރިއަށް ގެންދާ ބަނދަރު ތަރައްޤީ ކުރުމުގެ މަޝްރޫޢުގެ މުހިންމ ު މޭލުގަލެއް ހާސިލުކޮށްފިއެވެ.
އެމްޓ ީސީސީން ހާމަކޮށްފާ ވައިވާ ގޮތުގައި، މި މަޝްރޫޢުގެ ދަށުން ބަނދަރު އެއްގަމުތޮށި އެޅުމަށް ބޭނުންވާ ބްލޮކްތަކުގެ ފުރަތަމަ ޝިޕްމަންޓް މިހާރު ވާނީ ކ. ގުޅީގެ ޕްރޮޖެކްޓް ސައިޓަށް ބޭލިފައެވެ. މި ބްލޮކްތައް ސައިޓަށް ގެންދެވުމާއެކު، ބަނދަރުގެ އެއްގަމުތޮށީގެ އަމަލީ މަސައްކަތްތައް ފެށުމަށް ބޭނުންވާ ތައްޔާރީތައް ދަނީ ވަރަށް ބާރަށް ކުރިއަށެވެ.
ކ. ގުޅީ ބަނދަރު ޒަމާނީ ފެންވަރަށް ތަރައްޤީ ކުރެވުމުން، އެ ރަށުގެ ރައްޔިތުންނަށާއި އިޤްތިޞާދަށް ގިނަގުނަ ފައިދާތަކެއް ކުރާނެއެވެ. އެގޮތުން ކޮންމެ ފަދަ މޫސުމެއްގައިވެސް އޮޑިދޯނިފަހަރަށް ރައްކާތެރިކަމާއެކު ފަޅަށް ވަދެ، ލަފާފުރުމުގެ ދާއިމީ ހައްލެއް ލިބިގެންދާނެއެވެ.
Ads by BMLމީގެ އިތުރުން، ގުޅިއަކީ ފުޅާދާއިރާއެއްގައި ގެސްޓްހައުސް ވިޔަފާރިކުރާ ރަށަކަށްވުމުން، ފަތުރުވެރިން ގޮވައިގެންދާ ލޯންޗުފަހަރަށް ފަސޭހައިން ބަނދަރު ކުރެވި، ރަށުގެ ލޯކަލް ޓޫރިޒަމަށް ބޮޑު ކުރިއެރުމެއް ލިބޭނެއެވެ.
އަދި މުދާ އުފުލާ ބޯޓުފަހަރަށް ފަސޭހައިން މުދާ ބޭލޭނެ އިންތިޒާމު ހަމަޖެހި، ރަށުގެ ވިޔަފާރިތަކަށް ޚަރަދު ކުޑަވެ، އޮޑިވެރިންނަށް ބޮޑެތި ފަސޭހަތަކެއް ލިބިގެންދާނެއެވެ.
މި މަޝްރޫޢަކީ ގުޅީގެ ލަފާފުރުމުގެ ދަތިތަކަށް ހައްލެއް ހޯދައިދިނުމަށް ސަރުކާރުން އެމްޓީސީސީއާ ހަވާލުކޮށްގެން ކުރިއަށްގެންދާ މުހިންމު މަޝްރޫޢެކެވެ.
Ads by MACL
