އައްޑޫ މީދޫ ކާބޯތަކެތީގެ މައުރަޒު 2026: ދަނޑުވެރިކަމާއި އުފެއްދުންތެރިކަމުގެ ބޮޑު އީދު ކުލަގަދަކޮށް ފަށައިފި
މިއަހަރުގެ ދުނިޔޭގެ ކާބޯތަކެތީގެ ދުވަހާއި ދަނޑުވެރިންގެ ދުވަސް ރަސްމީކޮށް ފާހަގަކުރުމުގެ ގޮތުން، އައްޑޫ މީދޫގައި ބޭއްވުމަށް ހަމަޖެހިފައިވާ "އައްޑޫ މީދޫ ކާބޯތަކެތީގެ މައުރަޒު 2026" ގެ ހަރަކާތްތައް ކުލަގަދަ ރަސްމިއްޔާތަކާއެކު އިއްޔެ (15 އޮކްޓޯބަރ 2026) ހަވީރު ފަށައިފިއެވެ.
މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ އާއި އައްޑޫ ސިޓީ ކައުންސިލް ގުޅިގެން ކުރިއަށްގެންދާ މި ޚާއްޞަ މައުރަޒަކީ، ރާއްޖޭގެ ދަނޑުވެރިކަމުގެ ދާއިރާ ކުރިއެރުވުމަށާއި، ކާބޯތަކެތީގެ ރައްކާތެރިކަން ކަށަވަރުކުރުމަށް ރަށްރަށުގައި ކުރެވޭ މަސައްކަތްތައް އާންމުންނާ ހަމައަށް ގެނެސްދިނުމުގެ މައިގަނޑު މަގުސަދަކީ ރާއްޖޭގެ ދަނޑުވެރިކަމުގެ ދާއިރާ ކުރިއަރުވައި، ރަށު ފެންވަރުގައާއި ގައުމީ ފެންވަރުގައި ކާބޯތަކެތީގެ ރައްކާތެރިކަން ކަށަވަރުކުރުމެވެ.
އަދި ދަނޑުވެރިން ކުރާ ބުރަ މަސައްކަތުގެ އަގުވަޒަންކޮށް، އެ ފަރާތްތަކުން އުފައްދާ ތަކެތި އެއް ފުރާޅެއްގެ ދަށުން އާންމުންނާ ހަމައަށް ފަސޭހަކަމާއެކު ފޯރުކޮށްދެވޭނެ އިންތިޒާމެއް ހަމަޖައްސައިދިނުމަކީވެސް މި މައުރަޒު އިންތިޒާމުކުރި ބޮޑު ސަބަބެކެވެ.
Ads by BMLމި މައުރަޒުގެ އެންމެ ޚާއްޞަ އެއް ހަރަކާތެއްގެ ގޮތުން، މީދޫ ބަނދަރު ސަރަހައްދުގައި ވަނީ "ދަނޑުވެރިންގެ މާރުކޭޓު" ރަސްމީކޮށް ހުޅުވާފައެވެ. މީދޫ ކައުންސިލުން މައުލޫމާތު ދޭ ގޮތުގައި، މި މާރުކޭޓަކީ ކޮންމެ ހަފްތާ ބަންދެއްގައި "ވީކެންޑް މާރކެޓް" ގެ ނަމުގައި ސިލްސިލާކޮށް ކުރިއަށްދާނެ ބާޒާރެކެވެ.
މި މާރުކޭޓުން ލިބެން ހުރި ތަކެތީގެ ތެރޭގައި ހިމެނެނީ:
• ތާޒާ އުފެއްދުންތައް: މީދޫގެ ދަނޑުވެރިން ހައްދާ ތަފާތު ތަރުކާރީއާއި، މޭވާ އަދި ފަލަމަޑީގެ ބާވަތްތައް.
• އަމިއްލަ އުފެއްދުންތައް: ދަނޑުވެރިކަމުގެ ބާވަތްތައް ބޭނުންކޮށްގެން ރަށު ފެންވަރުގައި ތައްޔާރުކޮށްފައިވާ ތަފާތު ކާނާގެ ބާވަތްތައް.
• ގޭތެރެ ޒީނަތްތެރިކުރުން: ދިވެހި އުފެއްދުންތެރިން ތައްޔާރުކޮށްފައިވާ ރީތި ގަސް ވަށިތައް.
މި ހަރަކާތުގެ ސަބަމުން ދަނޑުވެރިންނަށާއި ރަށުގެ އިގްތިސާދަށް ބޮޑެތި ފައިދާތަކެއް ކުރާނެއެވެ. އެގޮތުން ދަނޑުވެރިން އުފައްދާ ތާޒާ ބާވަތްތައް މެދުވެރިއަކާ ނުލައި ސީދާ ކަސްޓަމަރުންނަށް ވިއްކުމުގެ ފުރުސަތު ލިބި، އެ ފަރާތްތަކަށް މާލީ ގޮތުން ސީދާ މަންފާ ލިބިގެންދާނެއެވެ.
އަދި އަމިއްލަ އުފެއްދުންތަކާއި ސަގާފީ ކާބޯތަކެތި މާކެޓްކުރުމަށް މަގުފަހިވުމުގެ އިތުރުން، ކޮންމެ ހަފްތާ ބަންދެއްގައި ބާއްވާ "ވީކެންޑް މާރކެޓް" ގެ ސަބަބުން ރަށުގެ ދިރިއުޅޭ ރައްޔިތުންނަށް ހެޔޮ އަގުގައި ތާޒާ ކާބޯތަކެތި ލިބުމުގެ ދާއިމީ މަގެއް ހުޅުވިގެންދާނެއެވެ.
އާންމުންގެ ބޮޑު ތަރުހީބެއް ލިބެމުންދާ މި މައުރަޒުގެ ހަރަކާތްތައް ކުރިއަށް އޮތް ހަފްތާ ބަންދުތަކުގައިވެސް މީދޫ ބަނދަރު ސަރަހައްދުގައި ކުރިއަށްދާނެއެވެ.
Ads by MACL
