އިނާޔަތްތަކުގެ ވާހަކަ ފަތުރަނީ ރައްޔިތުންނަށް އޮޅުވާލަން! މެންބަރު އަޙްމަދު ރިޔާޟް
ރައްޔިތުންގެ މަޖިލީހުގެ މެންބަރުންނަށް އާދަޔާޚިލާފު ބޮޑެތި މުސާރަތަކާއި އިނާޔަތްތަކެއް ލިބޭ ކަމަށް ދައްކުވައިދީގެން އާންމު ރައްޔިތުންނަށް މައުލޫމާތު އޮޅުވާލަމުންދާ ކަމަށް ވިދާޅުވެ، ވެރިކަން ކުރާ ޕީއެންސީ އަށް ނިސްބަތްވެވަޑައިގަންނަވާ މަޖިލިސް މެންބަރު އަހްމަދު ރިޔާޟް ކަންބޮޑުވުން ފާޅުކުރައްވައިފިއެވެ.
މަޖިލީހުގެ ޖެނެރަލް ކޮމިޓީގެ ބައްދަލުވުމެއްގައި ވާހަކަދައްކަވަމުން މެންބަރު ރިޔާޟް ވިދާޅުވީ، މެންބަރުންނަށް ބޮޑެތި އަދަދުތަކުން މުސާރަ ލިބޭ ކަމަށް ބުނެ ދެކެވޭ ވާހަކަތަކަކީ ހަގީގަތާ ހިލާފު ވާހަކަތަކެއް ކަމަށެވެ. އަދި މިފަދަ ހަގީގަތް ނޭނގޭ ވާހަކަތަކުގެ ސަބަބުން ރައްޔިތުންގެ މެދުގައި ނުބައި ތަސައްވުރެއް އުފެދެމުންދާ ކަމަށް އޭނާ ފާހަގަކުރެއްވިއެވެ.
މި މައްސަލައާ ގުޅިގެން މަޖިލީހުގެ ކޮމިޓީގައި ބައެއް މެންބަރުން ވަނީ މަޖިލިސް މެންބަރުންގެ އަސާސީ މުސާރައަކީ 42,500 ދިވެހި ރުފިޔާ ކަން ހާމަކޮށްފައެވެ. އަދި ކޮމިޓީ އެލަވަންސްގެ ގޮތުގައި ލިބޭ 20,000 ރުފިޔާއަކީ މެންބަރުން ސަލާމް ބުނުމުން ނުވަތަ ޗުއްޓީގައި ހުންނަ ދުވަސްތަކުގައި އުނިކުރެވޭ އެލަވަންސެއްކަން ވެސް މެންބަރުން ވަނީ ސާފުކޮށްދީފައެވެ.
Ads by BMLމީގެ އިތުރުން، ރައްޔިތުންގެ މަޖިލީހުގެ އިދާރާއިން ދާދިފަހުން ބޭއްވި ޖެނެރަލް ޕާޕަސް ކޮމިޓީގައި ހާމަކޮށްފައިވާ ގޮތުން، މަޖިލީހުގެ ކުރިއަށް އޮތް ބަޖެޓުގައި މެންބަރުންގެ މުސާރަ ބޮޑުކުރުމަށް ނުވަތަ އާ އިނާޔަތްތަކެއް ދިނުމަށް އެއްވެސް ވަރަކަށް ހިމަނާފައެއް ނުވެއެވެ.
މެންބަރުން ފާހަގަކުރެއްވި ގޮތުގައި، ގިނަ މެންބަރުންނަކީ އަތޮޅުތަކުން މާލެއަށް ދިރިއުޅުން ބަދަލުކޮށްގެން ކުލީ ކޮޓަރިތަކާއި އެޕާޓްމަންޓްތަކުގައި އުޅޭ ފަރާތްތަކަށް ވުމުން، ލިބޭ މުސާރައިން ދިރިއުޅުމުގެ ހަރަދުތައް ދެކޮޅުޖެއްސުމުގައި ދަތިތަކެއް ހުރެއެވެ.
Ads by MACL
