ރައީސް މުޢިއްޒު ޕާކިސްތާނުގެ މަރުކަޒީ ވަޒީރުންނާ ބައްދަލުކުރައްވައިފި
ޕާކިސްތާނަށް މިހާރު ކުރައްވަމުންދާ ރަސްމީ ދަތުރުފުޅުގެ ތެރެއިން، ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޕާކިސްތާނުގެ ފެޑެރަލް މިނިސްޓަރުންނާ (މަރުކަޒީ ވަޒީރުން) މިއަދު ބައްދަލުކުރައްވައި ސަލާމްކުރައްވައިފިއެވެ.
މި ބައްދަލުކުރެއްވުން ކުރިއަށްދިޔައީ ބޮޑުވަޒީރުގެ ރަސްމީ ނިވާސް (ޕްރައިމް މިނިސްޓަރސް ހައުސް) ގައި ރައީސުލްޖުމްހޫރިއްޔާގެ ޝަރަފުގައި ބޭއްވުނު ރަސްމީ މަރުޙަބާގެ ރަސްމިއްޔާތުގެ ތެރެއިންނެވެ. ބޮޑުވަޒީރު މުޙައްމަދު ޝެހްބާޒް ޝަރީފްގެ އަރިހުގައި ތިއްބެވި ޕާކިސްތާނު ސަރުކާރުގެ ކެބިނެޓް މިނިސްޓަރުންނާ ރައީސް މުޢިއްޒު ވަނީ ވަކިވަކިން ސަލާމްކުރައްވައި، ކުރުގޮތަކަށް ވާހަކަފުޅު ދައްކަވާފައެވެ.
🔗 ތަފްޞީލް ކިޔުމަށް: [ލިންކް]
Ads by BMLhttps://twitter.com/PakPMO/status/2112791380112367645
މި ބައްދަލުވުމަކީ ދެ ޤައުމުގެ ދެމެދުގައި އޮތް ގުޅުން އެކި ދާއިރާތަކުން އިތުރަށް ހަރުދަނާކުރުމަށްޓަކައި، ރަސްމީ މަޝްވަރާތައް ފެށުމުގެ ކުރިން ބޭއްވުނު ތަޢާރަފުވުމުގެ މުހިންމު ބައްދަލުވުމެކެވެ. ރާއްޖޭގެ ވަފުދުގެ އިސް ބޭފުޅުންވެސް މި ބައްދަލުވުމުގައި ބައިވެރިވެވަޑައިގެންނެވިއެވެ.
Ads by MACL
