ބުދަ، 18 ނޮވެމްބަރު 2026
ޚަބަރު

އިންޑިޔާގެ އަސްކަރީ 3 މަނަވަރެއް ރާއްޖޭގައި ބަނދަރުކޮށްފި

އިންޑިއާގެ ފުރަތަމަ ތަމްރީނު ސްކޮޑްރަން ގެ އުޅަނދެއް / ފޮޓޯ: އިންޑިއާ އިން މޯލްޑިވްސް
އިންޑިއާގެ ފުރަތަމަ ތަމްރީނު ސްކޮޑްރަން ގެ އުޅަނދެއް / ފޮޓޯ: އިންޑިއާ އިން މޯލްޑިވްސް

އިންޑިއާ ކަނޑުގެ ސަރަހައްދުގެ ސަލާމަތާއި ރައްކާތެރިކަން ކަށަވަރުކުރުމަށާއި، ދެ ގައުމުގެ ދެމެދުގައި އޮތް އަސްކަރީ ގުޅުން އިތުރަށް ބަދަހިކުރުމުގެ ބޭނުމުގައި، އިންޑިއާގެ ފުރަތަމަ ތަމްރީނު ސްކޮޑްރަން ގެ ތިން އުޅަނދެއް ރަސްމީ ދަތުރުފުޅެއްގައި މިއަދު ދިވެހިރާއްޖެއަށް އަތުވެއްޖެއެވެ.

މި ދަތުރުގައި ރާއްޖެއަށް ބަނދަރުކޮށްފައިވަނީ އިންޑިއާ ނޭވީގެ އުޅަނދުތައް ކަމަށްވާ އައި.އެން.އެސް ތިރް އާއި އައި.އެން.އެސް ސުޖާތާ ގެ އިތުރުން އިންޑިއަން ކޯސްޓް ގާޑްގެ އުޅަނދެއް ކަމަށްވާ އައި.ސީ.ޖީ.އެސް ސާރަތީއެވެ. މި އުޅަނދުތައް މާލޭގެ ބަނދަރަށް އައުމުން، ދިވެހިރާއްޖޭގެ ގައުމީ ދިފާއީ ބާރު އިން ވަނީ އަސްކަރީ އުސޫލުތަކުގެ މަތިން ހޫނު މަރުޙަބާއެއް ކިޔާފައެވެ.

🔗 ތަފްޞީލް ކިޔުމަށް: [ލިންކް]


https://twitter.com/HCIMaldives/status/2112816968848015700

ދިވެހިރާއްޖޭގައި ހުންނަ އިންޑިއާގެ ހައިކޮމިޝަނުން ހާމަކޮށްފައިވާ ގޮތުގައި، ގައުމުން ބޭރުގައި ކުރިއަށްދާ މި ދިގު ރާސްތާގެ ތަމްރީނު ދަތުރުގެ މައިގަނޑު މަގްސަދަކީ ދެ ގައުމުގެ ދެމެދުގައި އޮތް ކަނޑުގެ ސަލާމަތީ ގުޅުންތައް ބަދަހިކުރުމާއި، ދެ ފަރާތުގެ ސިފައިންގެ މެދުގައި ފަންނީ ހުނަރާއި އޮޕަރޭޝަނަލް ތަޖުރިބާ ހިއްސާކުރުމެވެ. މި އުޅަނދުތައް ރާއްޖެއަށް މި އައީ ސީޝެލްސްގެ ޕޯޓް ވިކްޓޯރިއާއަށް ކުރި ތަމްރީނު ދަތުރުތަކެއް ކާމިޔާބުކަމާއެކު ނިންމާލުމަށްފަހުގައެވެ.

މި ދަތުރުގެ ތެރެއިން އެމް.އެން.ޑީ.އެފްގެ ސިފައިންނާއި އިންޑިއާ ސިފައިން ގުޅިގެން ހާއްސަ ތަމްރީނުތަކަކާއި ފަންނީ މަޝްވަރާތަކެއް ކުރިއަށް ގެންދާނެއެވެ. މީގެ އިތުރުން، އުޅަނދުތަކުގެ ފަޅުވެރިންނަށް ގިރިފުށީގައި ހުންނަ އެމް.އެން.ޑީ.އެފްގެ ތަމްރީނު މަރުކަޒަށް ޒިޔާރަތްކުރުމުގެ ފުރުސަތު ދިނުމާއި، ދެ ގައުމުގެ އެކުވެރިކަން ރަމްޒުކޮށްދިނުމުގެ ގޮތުން ޖުމްހޫރީ މައިދާނުގައި އިންޑިއާ ނޭވީއާއި އެމް.އެން.ޑީ.އެފް ގުޅިގެން ބާއްވާ ހާއްސަ މިއުޒިކަލް ބޭންޑް ޕާފޯމަންސެއްވެސް ކުރިއަށްދާނެއެވެ.

އިޖުތިމާއީ ހަރަކާތްތަކުގެ ތެރެއިން، މި އުޅަނދުތަކުގެ ސިފައިންނާއި ތަމްރީނުވާ ކުދިން ބައިވެރިވާ ލޭ ހަދިޔާކުރުމުގެ ކޭމްޕެއް ކުރިއަށް ގެންދިއުމަށް ވަނީ ހަމަޖެހިފައެވެ.