ބުދަ، 18 ނޮވެމްބަރު 2026
ޚަބަރު

ޔަހޫދީން ސީރިޔާގެ ދެކުނުގެ ބިންތައް ހިސާރުކުރުމުން، އެކަމާ ދެކޮޅަށް ރައްޔިތުން މުޒާހަރާއަށް ނުކުމެއްޖެ

ސީރިޔާގެ ދެކުނު ބޯޑަރު ސަރަހައްދުގައި ކުރާ މުޒާހަރާތައް /	ފޮޓޯ: އަލްޖަޒީރާ މީޑިއާ ނެޓްވޯކް
ސީރިޔާގެ ދެކުނު ބޯޑަރު ސަރަހައްދުގައި ކުރާ މުޒާހަރާތައް / ފޮޓޯ: އަލްޖަޒީރާ މީޑިއާ ނެޓްވޯކް

އިސްރާއީލުން ހިފާފައިވާ ގޯލާން ހައިޓްސް (ގޯލާންގެ އުސްބިންތައް) ކައިރީގައިވާ ސީރިޔާގެ ދެކުނުގެ ސަރަހައްދުތަކަށް ޔަހޫދީ ސިފައިން ވެރިވެގަނެ، އެ ސަރަހައްދުތައް ހިސާރުކުރަމުންދާތީ އެކަމާ ދެކޮޅަށް ސީރިޔާގެ ރައްޔިތުން ނުކުމެ ބޮޑު މުޒާހަރާއެއް ފަށައިފިއެވެ.

އަލްޖަޒީރާގެ ރިޕޯޓަރު ހައިޑީ ޕެޓް މުޒާހަރާގެ މައިދާނުން ގެނެސްދީފައިވާ ރިޕޯޓުތަކަށް ބަލާއިރު، އިސްރާއީލުގެ ސިފައިން ވަނީ ސީރިޔާގެ ދެކުނުގެ ރަށްތަކަށް ވަދެގަނެ، އެ ސަރަހައްދުގެ އާންމުންގެ ޒައިތޫނި ދަނޑުތައް ބުލްޑޯޒަރު ބޭނުންކޮށްގެން ސުންނާފަތިކޮށްފައެވެ.

އަދި އާންމުންގެ ހަރަކާތްތައް ކޮންޓްރޯލް ކުރުމަށްޓަކައި ގިނަ އަދަދެއްގެ ޗެކްޕޮއިންޓްތައް ގާއިމުކޮށް، އެ ސަރަހައްދުގެ ދިވެހި ރަށްވެހިންގެ ތެރެއިން ބައެއް މީހުން ހައްޔަރުކޮށް، ބަންދުކުރަމުންދާ ކަމަށްވެސް ރިޕޯޓުތައް ބުނެއެވެ.

ސީރިޔާގެ ރައްޔިތުން ބުނަމުންދަނީ އިސްރާއީލުން އެމީހުންގެ ވަޒަނަށް އަރައި ހިންގަމުންދާ މި ލާއިންސާނީ އަމަލުތަކާއި ބިން ފޭރުމުގެ ސިޔާސަތު ވަގުތުން ހުއްޓާލަންޖެހޭނެ ކަމަށެވެ. އަދި ބައިނަލްއަގުވާމީ މުޖުތަމައުން މިކަމާ މެދު ފިޔަވަޅު އެޅުމަށްވެސް މުޒާހަރާގެ ބައިވެރިން ދަނީ ގޮވާލަމުންނެވެ.