ބުދަ، 18 ނޮވެމްބަރު 2026
ޚަބަރު

އެމްއެންޑީއެފް ކޯސްޓްގާޑާއި އިންޑިއާ ނޭވީ ގުޅިގެން 'ޕެސެޖް އެކްސަސައިޒް' ބާއްވައިފި

'ޕެސެޖް އެކްސަސައިޒް ޕްރޮގްރާމް / ފޮޓޯ: އެމްއެންޑީއެފް
'ޕެސެޖް އެކްސަސައިޒް ޕްރޮގްރާމް / ފޮޓޯ: އެމްއެންޑީއެފް

އެމްއެންޑީއެފް ކޯސްޓްގާޑް ޝިޕް 'ޢިމާދުއްދީން'އާއި، އިންޑިއާ ނޭވީގެ ފަސްޓް ޓްރެއިނިންގ ސްކޮޑްރަން ގުޅިގެން ކަނޑުމަތީގެ ޚާއްޞަ ތަމްރީނު ހަރަކާތެއް ކަމުގައިވާ 'ޕެސެޖް އެކްސަސައިޒް' ކުރިއަށްގެންގޮސްފިއެވެ.

މިއަދު ކުރިއަށްގެންދިޔަ މި ތަމްރީނުގެ ޒަރިއްޔާއިން، ދެ ޤައުމުގެ އަސްކަރިއްޔާގެ ދެމެދުގައި އޮންނަ ގުޅުން އިތުރަށް ބަދަހިކުރުމަށާއި، މެރިޓައިމް ކޯޕަރޭޝަން އިތުރަށް ހަރުދަނާކުރުމަށް މަގުފަހިވެގެންގޮސްފައިވެއެވެ.

މި ތަމްރީނު ހަރަކާތަކީ ދެ ޤައުމުގެ އަސްކަރިއްޔާގެ ދެމެދުގައި އޮންނަ ޒަމާންވީ އެކުވެރިކަމާއި، ގާތް މެރިޓައިމް ގުޅުމުގެ ރަމްޒެކެވެ.

އެމްއެންޑީއެފް ކޯސްޓްގާޑަކީ، ސަރަޙައްދީ ކަނޑުގެ އަމާންކަމާއި ހަމަޖެހުން ކަށަވަރުކުރުމަށް ޓަކައި، މި ސަރަޙައްދުގެ މެރިޓައިމް ޕާޓްނަރުންނާ އެކު ގުޅުން ބަދަހިކުރުމުގައި އަބަދުވެސް ދެމިތިބި ބައެކެވެ