ބޮޑެތި އިންވެސްޓްމެންޓްތަކުން ފެށިގެން ކުދި ވިޔަފާރިތަކަށް ފަހި މާޙައުލެއް: ވަޒީރު ސަޢީދު
ވޭތުވެދިޔަ ދެ އަހަރު ދުވަހުގެ ތެރޭގައި، ރާއްޖޭގައި ކުރެވުނު އެންމެ ބޮޑެތި އިންވެސްޓްމެންޓުތަކުން ފެށިގެން އެންމެ ކުދި ވިޔަފާރިތަކާ ހަމައަށް ވަށާޖެހޭ ފަހި މާޙައުލެއް ސަރުކާރުން ޤާއިމުކޮށްދީފައިވާ ކަމަށް އިޤުތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވެއްޖެއެވެ.
މޯލްޑިވްސް އެކްސްޕޯ 2026 ގެ ތެރެއިން ދެއްވި ބަސްދީގަތުމެއްގައި ވަޒީރު ސަޢީދު ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އިޤުތިޞާދީ ޚާއްޞަ ތަސައްވުރުގެ ދަށުން، ޤައުމުގެ ވިޔަފާރީގެ ވެށި ހަރުދަނާކުރުމަށް ގިނަ މަސައްކަތްތަކެއް ކުރެވިފައިވާ ކަމަށެވެ. ޚާއްޞަކޮށް، ކުދި އަދި މެދުފަންތީގެ ވިޔަފާރިތަކަށް ބޭނުންވާ އެހީތެރިކަމާއި، ބޮޑެތި އިންވެސްޓްމެންޓްތަކަށް ހުރި ފުރުޞަތުތައް އެއްގޮތަކަށް ގުޅުވައިލެވި، ދެމެހެއްޓެނިވި ނިޒާމެއްގެ ތެރެއިން ކުރިއެރުން ލިބެމުންދާކަން އެމަނިކުފާނު ފާހަގަކުރެއްވިއެވެ.
Ads by MACL
