ކާއިނާތުގެ ފެށުން ދެނެގަތުމަށް "ލުމީނާ" މޮޑެލް ސައިންސްވެރިން އުފައްދައިފި
ކާއިނާތުގެ ފުރަތަމަ ދުވަސްވަރާ ބެހޭގޮތުން މިހާތަނަށް އުފެއްދި އެންމެ ބޮޑު އަދި އެންމެ ތަފްސީލީ އެއް ކޮމްޕިއުޓަރު ސިމިއުލޭޝަން ހާވާޑް އެންޑް ސުމިތުސޯނިއަން ސެންޓަރ ފޯ އެސްޓްރޯފިޒިކްސް ގެ ސައިންސްވެރިން ތައްޔާރުކޮށްފިއެވެ.
"ލުމީނާ" ގެ ނަމުން ނަންދެވިފައިވާ މި ހައި-ރެޒޮލިއުޝަން މޮޑެލްއަކީ ކާއިނާތުގެ ފެށުން ދެނެގަތުމަށްޓަކައި ކުރެވުނު ވަރަށް މުހިންމު އަދި ފާހަގަކޮށްލެވޭ ފަދަ ސައިންސީ މަސައްކަތެކެވެ. މި މޮޑެލްގެ އެހީގައި ކާއިނާތު އުފެދިގެން އައި ފުރަތަމަ 2 ބިލިއަން އަހަރުގެ ތެރޭގައި ކޮސްމިކް ވެބްގެ ތެރޭގައި ހިނގާދިޔަ އެކި ކަންކަން ވަރަށް ތަފްސީލުކޮށް އަލުން އުފައްދައި ދައްކުވައިދެއެވެ. އެގޮތުން ކާއިނާތު އުފެދިގެން ބިނާވި ކުރީކޮޅުގައި ކަންކަން ހިނގި ގޮތުގެ ސާފު ތަސްވީރެއް މި މޮޑެލް މެދުވެރިކޮށް ސައިންސްވެރިން ވަނީ ކުރަހައިދީފައެވެ.
މި ސިމިއުލޭޝަންގައި އެންމެ ޚާއްސަ އަހައްމިއްޔަތުކަމެއް ދީފައިވަނީ ޑާކް މެޓާ (އަންދާރީ މާއްދާ) އާއި، ގޭސް އަދި ރޭޑިއޭޝަންގެ މެދުގައި ހިނގާފައިވާ މުއާމަލާތްތަކަށެވެ. 'ލުމީނާ' މޮޑެލްގެ އެހީގައި މި ތިން ބައިގެ މެދުގައި ހިނގި ގުޅުންތައް ވަރަށް ބޮޑަށް ތަފްސީލުކޮށް އަލުން އުފައްދައި ސިމިއުލޭޓްކޮށްފައި ވެއެވެ.
Ads by BMLސުމިތުސޯނިއަންގެ ސައިންސްވެރިން އުފެއްދި މި މޮޑެލްއަކީ ކާއިނާތުގެ ފުރަތަމަ ދުވަސްވަރުގެ މައުލޫމާތުތައް ދެނެގަތުމުގައި މިހާތަނަށް ބޭނުންކުރެވޭނެ އެންމެ ފުރިހަމަ އެއް މޮޑެލްއެވެ. ކޮސްމިކް ވެބްގެ ފުރަތަމަ 2 ބިލިއަން އަހަރުގެ ތެރޭގައި މާއްދާތަކާއި ރޭޑިއޭޝަންގެ މެދުގައި ހިނގި ގުޅުންތައް މި މޮޑެލްއިން ވަރަށް ސާފުކޮށް އެނގިގެންދެއެވެ
Ads by MACL
