ބުދަ، 18 ނޮވެމްބަރު 2026
ޚަބަރު

ބްރެޒިލްގެ ރައީސް ލޫލާއަށް ރައީސް މުޢިއްޒު ތަހުނިޔާ ފޮނުއްވައިފި

ރައީސް ލުއިޒް އިނާސިއޯ ލޫލާ ދަ ސިލްވާ.
ރައީސް ލުއިޒް އިނާސިއޯ ލޫލާ ދަ ސިލްވާ.

ބްރެޒިލްގައި ބޭއްވި ރިޔާސީ އިންތިޚާބު ކާމިޔާބު ކުރެއްވުމާ ގުޅިގެން، އެ ގައުމުގެ ރައީސް ލުއިޒް އިނާސިއޯ ލޫލާ ދަ ސިލްވާއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަރުޙަބާއާއި ތަހުނިޔާގެ މެސެޖެއް ފޮނުއްވައިފިއެވެ.

ރައީސުލްޖުމްހޫރިއްޔާ ފޮނުއްވި މެސެޖުގައި، ދިވެހި ސަރުކާރާއި ރައްޔިތުންގެ ނަމުގައި ރައީސް ލޫލާއަށް ހޫނު މަރުޙަބާއެއް ދަންނަވަމުން ފާހަގަކުރެއްވީ، މި އިންތިޚާބުގައި ލިބުނު ކާމިޔާބީއަކީ ބްރެޒިލްގެ ރައްޔިތުން އެމަނިކުފާނުގެ ޤިޔާދަތަށާއި ޤައުމީ ޚިދުމަތަށް ކުރާ އިތުބާރު ހާމަވެގެންދިޔަ ކަމެއް ކަމުގައެވެ.

އަދި ބްރެޒިލްގެ ކުރިއެރުމާއި ތަރައްޤީއަށްޓަކައި ރައީސް ލޫލާ ކުރައްވަމުންދާ ބުރަ މަސައްކަތްޕުޅުތަކަށާއި ސާބިތުކަމަށް ތަޢުރީފު ކުރައްވަމުން، އެމަނިކުފާނުގެ ކުރިއަށް އޮތް ރިޔާސީ ދައުރަށް ކާމިޔާބީއަށް އެދިވަޑައިގެންފައިވެއެވެ.

މީގެއިތުރުން ރައީސް ޑރ. މުޢިއްޒުގެ މެސެޖު ނިންމަވާލައްވާފައިވަނީ ރައީސް ލޫލާއަށް ދުޅަހެޔޮ ސިއްޙަތަކަށް އެދިވަޑައިގަންނަވަމުން، ބްރެޒިލްގެ ރައްޔިތުންނަށް ފާގަތިކަމާއި ދެމެހެއްޓެނިވި ކުރިއެރުމަށް އެދިވަޑައިގަންނަވަމުންނެވެ.

ކުރިން 2003 އިން 2010 އަށް ބްރެޒިލްގެ ވެރިކަން ކުރެއްވި ލޫލާ، 2022 ގައި އިންތިޚާބު ކާމިޔާބު ކުރެއްވުމަށްފަހު އެމަނިކުފާނުގެ ހަތަރުވަނަ ރިޔާސީ ދައުރު ރަސްމީކޮށް ފަށްޓަވާނީ 2027 ޖަނަވަރީ 5 ގައެވެ.